在朋友眼中的希子係一個堅強、開朗、過份理性既人，
但係原來一切都改變緊！

今朝響度諗返十號果陣同叉子既對話，
好記得果日我同叉子好輕鬆咁講，
不過發現原來我做唔到，
就同某人一樣好難去令自己行返轉頭。
今次我真係做唔到，
亦無左以前既勇氣..........
我好驚，真係好驚，我諗只有叉子先會明！
我已經唔知自己可以點做！
我好矛盾...........好難去做決定..........
我知無人可以幫我做決定，
唯有靠自己！

好多以為理所當然、自己能夠掌握響手既野，
原來都只係虛無飄渺，
當自己愈話要放手，就愈捉得緊！
跟本上你地講過既野，我都記得，
但想做既時候就會走返轉頭，
就係因為一個說話：你唔係要...........
一諗到依到，我就唔敢再行，
因為我驚我無辦法再承受.......
縱使有多堅強，我也只是一個女仔！

如果改變不了的事實，不如早點告訴我，
讓我盡早作出決定吧！