估唔到今日先知呢件事

老婆.....你知道麻
你希望我幾個月無同你傾計....見唔到你...我就會漸漸咁忘記你
其實唔係....見唔到你....我只會日日就諗住你
掛住你....擔心你.....你知唔知呀.....我.....愈來愈愛你呀

我知你之前想我3個月就要忘記你.....
我驚我做唔到呀
自從知道你唔係度.....我就時時刻刻都諗住你
你叫我點算.....

點解你永遠都要令我最後先知你既事
老婆....之前果個密碼我都未話比你知
你做咩要走
5201314呀....你知唔知???
首forever love我都未唱比你聽.....你做咩要走......

估唔到成個月都無打過呢個blog
亦都等於我成個月無見你ON MSN
無傾過電話
無傾過計
點解我總係對你既事一無所知

呢個月
你一D消息都無
唔知一對情侶一個月無傾過無見過感情會唔會淡架呢?
我一D都無
日日不停咁諗住你個名
就連睇家好月圓個SA姨我都諗係你
諗下次同你傾計點笑下你
不過可能做完曬我都唔會再見到你

老婆..........我會一直一直咁等你

好耐無同你傾過計LA
今日終於起到身........不過都係11點LA
sorry呢...一到假期就係夜訓同遲起
就算而家都係熄曬燈....黑麻麻咁打BLOG
因為真係好掛住你呀!!!!

估唔到你會記得我8月7呢個唔好記既生日
仲諗住你會一早忘記左LU......
星期4果日真係好想聽到你把聲
就算今年無禮物真係唔緊要架
我淨係想聽到你把聲
想你陪下我咁就好足夠LA.......
真係架.....有你已經係最好既禮物
之前又亂諗野....以為你唔記得...
我就日日都唔開心....不過又好掛住你喎
不過今日聽到你記得既時候
已經好滿足LA......嘻嘻

不過你唔準咁愛GO仔架
唔係我嬲架....嘻嘻

明明只係過左唔係好耐既時間
但係點解都好似又幾個月無聽你把聲咁
呢幾日連MSN都唔見家姐on.....連你msn個名都唔會見到
對住個已經將你張相轉做wallpaper既手機
機不離身....好似驚你時時刻刻都會打比我
一睇到有miss call就好驚無聽到你電話你會唔開心

我好似已經唔想再錯過一個小小會聽到你把聲既時刻
有時好似唔敢沖涼...就係驚岩岩果一刻會miss左你既call
.......我係米已經痴左線la......

點解係街見到一D細細粒好似同你差唔多身高既就會諗如果係你咁會點呢....
見到D靚野又會諗你會唔會中意呢
一見到小熊維尼既野就會不自覺咁去諗你中唔中意呢
原來你已經咁深入左我既世界

但我仲未改好自己....成日係電話度都唔出聲唔係唔想同你傾計.....
有時只係想聽下你有咩想講呀...有咩想知我既事
但....無出聲係因為....唔知點解只係知你係我身邊...好似係同一個空間咁
咩都唔做淨係聽下你做緊乜咁.....原來我已經好開心LA喎

我係米真係好變態

雖然我生日仲有排都未到.....但我已經知願望係咩
只係想你開心快樂.....無論我點...原來真係無咩所謂架喎!!
只係想你身體完全好返......就算要叮噹將你所有痛比我(又重復講多一次lu).....我反而覺得開心
我....好似真係變左.....你話係米呀?

真係好想念你呀.....
好耐都無見你係MSN出現
好耐都無聽到你把聲
好耐都無同你傾計LA....

真係好擔心你呀....
家姐話好似你電腦有問題
但佢又話你係度煲緊劇...上youtube

尋日話你大傷風
點解又病左架....唔知你有無事呢?
點解我唔可以你身邊陪住你

無你陪住我....
可以比我停止一秒鐘去想你嗎?
當夜晚又訓唔著既時候
就諗返之前同你傾電話既時候
真係好想再一次可以夜晚同你傾計...聽住你訓覺覺豬
係廳陪你傾計....你樓計要我係呀媽附近同你講我愛你

儘管當時心入面講左一千句我愛你
唔知點解我都無膽大聲講一次
不過之後聽到你聽到我講愛你果時開心果把聲.....
就算幾尷尬...只要聽一次都已經好足夠果一晚訓得好好LU

呢個暑假可唔可以有返呢個機會呢......老婆......