今日返到學一陣就同左kiki落去食野,

之後落去陰雨操場量血壓.....

kiki10點要去見miss hau

所以上左去先,

但係佢就同呀某上左去先,

唔理我........

之後同第2個人上去,

同佢講呢件事,

差d喊左出黎........

講真,真時我真係好唔明佢,

自從kiki出現o係我同佢ge生活,

我就發覺我地ge關係淡左...

佢之前成日同佢傾計,

果次上完堂,

我係坐near佢,

但係佢一放左個活動就行過去佢度,

每日都同佢搭車......

不過之前唔知點解佢過黎搵我同佢放學,

我無所謂.......

5月打電話問佢係咪唔鐘意我,

佢又話唔係........

有一次同佢去文具店,

咁啱無晒藍色ge塗改xge補充裝,

咁我味第2日拎我屋企果個比佢囉,

比左佢,好冷淡咁講句:哦

考試ge其中一日,

我地都有去食飯......

我真係唔知點解o係幾日之後,

又會變成好似依家咁......

佢成日o係kiki面前話呀某點唔好點唔好,

但係日日都同人傾得好開心,

前果幾日佢先串到呀某唔理佢,

但係琴日又撩返人講野,

佢成日都話其他人話唔like邊個,

但係又同人咁fd,

我覺得佢無資格話人.......

或者有時都係我自私,

我有時放學就同kiki搭車,

但係就算我等埋佢又點,

佢都無野同我講.....

同埋佢根本唔會同我坐........

咁我做咩要等埋佢咁傻~

呢個幾月,

可以話係我人生中最辛苦ge日子,

每日返到屋企就係驚佢唔理自己,

我已經屈左呢件事o係心成果幾月啦!

好辛苦!!

10:30去第2個活動,

咁啱係講朋友,

攪到我有幾次差d喊出黎.......

或者經過以前ge日子,

依家我愈黎愈憎佢,

我上左中學,

咩都就晒佢,

eng-class我都幫佢做埋,

咩都幫佢擔心,

但係佢就對我若即若離,

有事果時就搵我,

無事果時就當我透明........

講野超直.....

唔會體諒人,

就算依家同佢幾fd ge人,

每一個都比佢串過,

我諗佢會以為自己好受歡迎,

每一日都聽到佢同人艾交.......

今日咁啱講起咩聲大夾惡,

個個人都望住佢囉........

或者佢係唔鐘意我少野講,

或者我唔係真正討厭佢,

不過至少可以證明,

佢對我黎講好重要,

雖然我想同佢講野,

但係我根本搵唔到咩野可以同佢講,

同佢企埋ge氣氛好尷尬,

但係都希望放完假之後,

可以同佢做返一對普通ge朋友.......

今日9點先落,

點知勁多人排緊隊......

好彩好快有車^^

10點落禮堂,

無位.......

最尾要坐第一行-.-

成日好似比d老師望住咁........

11點幾上返課室,

派成績表,

成績都ok.....

放學~

同kiki搭車,

佢唔洗留級^^

返到黎屋企,

即卡開電視,

點知真係有惡作劇之吻睇.......

遲左返黎><

返埋聽日就放假lu,

好開心^^