尋晚,做功課做到12點幾…我都未試過做到咁夜….但依家唔習慣…到時考會考果陣就辛苦啦!!..依家辛苦d,好過到時出黎搵野做果陣,人地見到你張certificate咁個樣,邊個會請你呀?!呢幾次都係咁講會考之後會點,可以點…但我依家諗,會唔會真係早左d呢?有人講到時先算啦,但真係得咩?!學業煩,家庭煩,唔止..仲有一樣野煩…………………………..我可唔可以逐一清除呢?

依家聽日再唔係睇人去聽,而係睇歌詞…..因為d歌詞有時都幾晏心情….聽住首歌,有時會覺得自己係歌詞所講嘅主角,有時悲慘,有時開心,咩都有……有時都幾想自閉一下…都唔錯嫁…

l           暗戀人的大忌不是勇敢的表白而是扮老友，「Friend過頭」把自己推向愛情死角位！

今日係第3日返學,一返到去,班主任節,miss搞完班務,就講左一樣野,會考時間表出左,小妹第一科要考嘅科目就係  地理  係24/4 (四),呢樣小妹已經有左心理準備,但令小妹最估唔到嘅係全部科目都係連住嘅,咁樣考試真係遲早到會發頬癲呀....聽完呢個都算啦,上堂,miss lee仲要一輪嘴咁講話會有好多測驗,補課.....係下星期開始......唉!!跟住再上中史...miss lam又係咁,測驗,補課一蘿蘿,.......唔止....一至五嘅放學時間已經俾d miss,ar sir霸曬黎補課...仲唔夠...連星期六都要霸埋.....今次真係要問你死得未,咁多功課,默書,測驗,考試,補課,逢一,三,五仲要補習,一個人係咪真係可以咁勁..做得曬以上嘅野呀.....單單係返學,都已經整到我唔知似咩啦,我仲得閒諗其他野......無啦...依家所有精神,心機,希望都放曬落呢次會考到....會考死就等如我玩完....無論係繼續升中六,定係出去讀其他野,都係要有一張好睇嘅成積表...先有機會容易d係呢個社會站立.....有無可能,都掌握在你自己手中....

今日第一日返學,就要聽校長ge說話,跟住再聽梁玉X ge野,真係悶死啦!!不過,呢一日亦係另一個新開始….開始努力溫書,,全力以赴咁去考會考,只要考到十四分,我就可以想點就點….繼續讀,定係點….就要到時先知啦!!

我亦要好好珍惜呢唔夠半年時間ge校園生活,因為呢d時間唔多啦!!減埋d假期,根本就唔足半年…..會考之後又係另一個階段,大家又要各奔前程!!

呢次返去,我知道嘅野就多左,講大話一d都唔好受,好驚隨時都會穿煲,到左果陣就真係死得!其實人可以 受壓力嘅極限到底可以去到邊?!係咪無論發生咩事,一到左極限就一定要二選一,一定要放棄其中一樣,唔可以兩全其美?!係呢個世界上真係無一個男人係一心一意咁對女仔?!!

l           什麼事情都是這樣，所有的答案都是在問題形成前，就已經清楚刻在每個人的腦海裡。包括愛情，不是嗎？ 

l           沒有一個人能在事情的一開始，就意會到發生在自己身上的一切是什麼。尤其是愛情，不是嗎？ 

今日,外公同細姨,姨丈過左黎香港,晏晏陪完佢地買野,佢地要買果d...唉......冬蟲草,燕窩,藥材,藥酒.........我淨係蔕佢地去格價,都已經行死我啦....不過佢地黎左,我都幾開心!!佢地叫我返大陸玩,我係度諗緊返唔返去好,但21號有節目唔可以返,要返就要22號之後先可以!!呢幾日又會攰死我啦!!

有些人,你不需要去忘記,但也會自自然然消失,因為,他從來不重要。要夾硬逼自己忘記,刪除記憶的,其實都是入骨入肉的人。