21/10 (五)
今日係去海洋公園哈囉喂既大日子~~哈哈~朝早冇返到英文,實在太攰喇....約左介and 介fd--heman 3點幾一齊出去金鐘,join埋mo and 溫先生入場~~去到都成六點幾了~超多人,好耐冇黎過海洋公園了~~~

我地開頭打算飛奔入去玩鬼屋先,但又多人,so去左玩超動感影院先~好快就入到去,但今次依個都唔好玩既~同對上一次玩既都係差不多.....

之後我地玩完就去左搭欖車過去了~真係好多人,去到邊都要排隊....但過到去見到周圍都係鬼,真係幾好玩,一見到就即刻同佢地影相~哈哈~~之後我地去左玩海盜船,臨入去果刻先識驚囉,我同heman and溫先生一齊坐,我地驚到痴埋左一舊,好恐怖,哈哈~~!!!!

之後去左排鬼屋玩,我同heman又係嗌到顛哂,但mo佢地就話唔係好驚咋喎....我地total都係玩左3間鬼屋,仲有玩什麼星際蜘蛛,飛天鞦韆等,不過玩得都唔夠皮...十二點幾就要我地走喇....仲有好多想玩都玩唔到,可惜~~

之後出返去銅鑼灣都已經成一點幾了~中間仲發生左件驚險事~~
就係我地搭車返出去果時,我同溫生因為冇位坐既關係,so企左o係巴士既下層,而介,mo佢地就o係上層,分別坐唔同既位置,點知去到銅鑼灣果個站時,佢地冇一個知道要落車,攪到我地要hold住成架巴士4,5次,先至通知哂佢地要落車,成架車d人勁啤住我地囉!!!哈哈~不過如果唔係,佢地都要o係金鐘先落到車了~~呵呵~

之後我地去左食野同食糖水先返屋企,大家又係吹水吹到成3點先走,返到home都已經成4點了~~第二日仲要一早起身,因為要去Grad dinner....

 大合照

 九大鬼