補返第二天的行程 (再遲d先打的話,自己一家唔記得哂囉!!!)

由於我地前一晚都飲到醉哂,又成4:00am先訓,so大家都好遲先起身~12:00 check out左之後,就起程去食豬扒包了,不過真正既豬扒包要成3:00先出爐,so我地唯有食住個豬扒多士先....

食完我地就去左<路環賽車場>玩小型賽車,我地要好pro好型咁戴哂頭盔先玩得....我係第一個出車,但最後係包尾囉,佢地勁笑我揸得慢....咁初初實係唔夠膽揸得快架啦....不過之後玩熟左都揸快左架喇....

玩完我地之後,又再去返食正宗豬扒包,但要排好長龍隊囉,不過就真係好味過朝早既豬扒多士既~~食完我地再出發去左<金沙賭場>~我地今次又係玩大細.....同Laura 睇左一陣,自己就決定拎$100黎博下....點知開頭俾我贏左$200,跟住我同Laura企左o係張玩大細既檯2個鐘,全神貫注咁望住個<識盅>,佢地個個都話我地好似職業賭徒囉,哈哈 ~~但好可惜最後自己輸返果$200,冇贏冇輸過,唔知好彩定唔好彩,唉,唔係我既,始終都唔係我既.....輸左2個鐘頭既時間.....

之後我地就直接去<旅遊塔>,順便o係果度食埋buffet....上到去60層高既旅遊塔,真係有d驚,有塊玻璃可以望到下面的,勁恐怖....開頭仲打算話玩空中漫步喎....但因為落雨既關係,冇得出去玩lu....(不過有得玩,都唔玩喇,真係有d驚....去完先知道,自己原來真係有嚴重畏高症!!)

行完我地就去左360度旋轉餐廳食飯,個view真係幾正,又多野食,d野都幾好味,而且又有人o係度唱歌,好好feel~真係物有所值!!

食完都成9:00幾了,我地要勁趕咁返去酒店拎返d行李,因為要搭10:00船返HK,最後都趕得到~

今次依個澳門既Trip真係幾好玩,大家都玩得好開心,我地而家又再plan堅下次又去邊到一齊玩喇,暑假一於去日本玩啦,哈哈~