尋日波波黎左我地屋企玩~當知道波波黎左,自己就即刻飯都唔食,仆左返屋企囉~哈哈!!之後佢媽咪又話可以留佢o係度過一晚,於是自己就同佢&沚齊玩左陣先至再出過去食野~

而今日又一朝早起身,同亞媽一齊同波波行街~好耐都冇同佢行街,拖住佢行lu!!但好可惜,我12:30就要出門口去mk學車!!唉...唔知再等幾時先再見了~真係超唔想出門口!!!!

不過今日學車,狀態總算好過上2堂架喇,哈哈.....學完原先打算即刻返入屯門搵陳展去做英文project的...但最後都係去左深水步搵亞媽一齊去拜下婆婆先~因為大大話話自己都成大半年冇拜過婆婆喇,連裝柱香都冇...唉.....

拜完之後就搭返車返屯門搵陳展!!我地上左溫生home傾..但我地傾唔夠15mins....某人提議不如打陣麻雀囉!!!!!!唉.................我覺得真係好過份囉,不過我依d人最順得人既,又最憎掃人地興,咁唯有捨命陪君子吧 !!最後大家就由6:00p.m打到9:00p.m....但都只係打得果4圈,激慢!!!!仲要自己只係贏得果$1.....

打完牌就即刻拿拿臨做埋份英文,終於明白何謂<3個臭皮匠勝過1個諸葛亮>依句說話,但我地依度就只係得2個臭皮匠而已,哈哈 ~~最後都好順利咁同陳展嘔左一堆英文出黎,傾到11:00p.m就走lu~

尋日真係好開心,可以見到波波~仲有可以同佢&沚齊一齊玩!!好耐都冇試過咁開心lu,每次見到佢地2個小朋友,真係會由心咁笑出黎,因為...........................我好愛佢地!!