唉~今朝一起身知道左件事好唔開心~就係沚齊以後夜晚都唔o係我地度訓,即係每晚佢爸媽都會帶返佢返屋企....第二朝先帶佢返黎搭校車返學....咁即係我地見既時間少左好多啦,唔制啊.... 唉,記得沚齊佢初初入幼稚園時,佢亞媽都話要辭職自己湊返,但唔知做咩最後又俾佢搵到份工,先至唔自己湊返...果陣時初初知道左即刻喊左出黎,因為真係好唔捨得,雖然我知道依d一定係遲早既事,但日對夜對,點都有感情架!雖然都有時間見,但我同媽媽都相信,好快佢亞媽就會自己湊返....到時想見下佢都幾難喇.....

唉,由佢未出世,睇到佢而家識串人,博咀,真係好唔捨得囉....佢同波波都係我最錫既小朋友....而且波波佢九月又返學喇,有時真係衰d講句,唔想佢地大得咁快囉....
頭先亞彤佢send返以前波波同沚齊細細個d video過黎,真係好Cute~佢地果陣時仲係冇牙仔既,超可愛囉~~~

死啦,今日成日都hea...聽日就考物流喇,而家已經係半夜既2:30喇,但都未溫哂囉....唉~