連續兩天都早起身,尋日仲要天光7:00幾先訓,但係8:00就要起身,要去亞恆屋企度傾IL!不過我地都好快傾完,原先我同virgin打算打牌,因為恆and娃娃魚都o係度,夠哂腳,但最後因為亞恆搵唔到副麻雀而取消!!

至於今日都係一早7:30起身,因為9:30要出到去沙田果間發髦酒店做fitting!自己初初都因為一去到巴士站就上到架506而感到lucky時,點知個死人506今日開得異常地慢囉,好似同我作對咁!!!去到西鐵站等263仲衰,頂,我8:30開始等,等到佢8:45,個司機先至死死氣去開車,熱到死又要食塵咁都算數,至少都叫上到車呀,但之後又因為佢遲開車既關係,所以每個站都勁多人,短短3,4個站,前後用左10幾mins,即係9:05先上到屯門公路........仲要塞左一陣車!!!!唉,去到沙田都已經9:45了!~不過最後去到都係要等,好在d同學仲o係度試緊衫姐~~

至於套制服,其實都冇咩特別,只係黑色長袖既Polo Tee and 黑褲,and可以著黑色布鞋,咁就可以著返之前對黑色Cons返工lu~Then我地去簽埋張賣身契,睇到佢份Contract入面用粗體間住我地個人工係:ONE THROUSAND ONLY!!就有d火滾!!個死人Miss仲話幫我地同酒店爭取多d人工喎,開學時又話可以去in不同我hotel or 公司,但最後....咪又係大隻講,黑人憎!!!.....之後佢分埋d Locker俾我地就走得,但係d locker鎖發哂毛囉,個locker又生哂秀,唉......

好在自己冇打算o係酒店依行發展姐!!!捱完依個intership就輕鬆了~

哈哈,不過今日好攪笑,就係人事部條友o係度介紹公司d CEO俾我地知既時候,俾我見到有條友唔知佢咩部門的,佢張相係寫住范統先生!!!我一見到已經即刻笑左出黎....好在我唔係under佢姐....攪笑

攪掂哂d野之後,返去新城市,行左陣之後就返屯門,但返到黎要周圍去睇&買IL Present的禮物....行左差不多成日咁滯,行到腳都跛!!