返黎喇~Plan左幾個月,六日既台北之旅終於完滿結束。Yeah~今次旅行大家都玩得好happy~等我講返我地依六日做過d咩,去過邊度啦。哈哈

20/6 (一) 一早五點起身執埋d野,六點幾就出發去機場,好在有亞mo媽媽揸車載我地去,如果唔係要仲早起身。我地七點到達,等埋Togo就黎就check in 了,check完in就去食左個m記先入閘lu,我地搭八點幾機,十一點幾就到台北中正機場lu,不過o係飛機上隻耳仔超痛囉,好似想裂開既感覺,次次都係咁...好想喊...但亞da,mo,togo一上機已經sleep哂,只有自己一個人o係到痛...好慘 ...不過一落機就冇事lu~之後出閘段,我地周圍搵車搭去台北,點知有個男人走黎問我地搭唔搭Benz去台北,都只係台幣$1200,於是諗都唔諗就跳上車了~因為兌返港幣都只係六十零蚊一個人,都ok,好過迫巴士啊~~個司機好好人囉,不停咁介紹d地方俾我地知~~^^

之後到了我地既酒店~~~放低左d野後,攤左一陣,鋤左幾鋪dee就出發去<中正紀念堂>,熱到死,行上去條樓梯,真係想死 ....之後去左101,new york new york,華納威秀度行,行完就去左鼎泰豐食小籠包,再食左個好好味既<蔥抓餅>and食芒果牛奶冰,好好味 ~~但我地之後蕩失左路囉,不過d台灣人超好,佢地去到邊都教我地點行,最後都搵到捷運站,不過大家都好攰,而且個身都熱到濕哂。

之後我地去左西門町行,買左好多野食返酒店食,有<亞宗x線>,花枝丸,腸仔,餃子等等~之後返去食完就沖涼lu~沖完之後就繼續鋤dee~玩左陣就訓lu,因為聽日要去八仙swimming~早d抖~