第二日
一早十點幾起身(其實都唔係好早),落左去樓下既新光三越food court食野,食左個咖哩豬扒飯,不過d咖哩亞mo話好似合味道杯麵既咖哩味 .....之後陪togo and mo buy泳褲,先再搭車去淡水既八仙水上樂園。搭左好耐車先到,我地差不多兩點先到達,去到即刻換衫出去玩啊~其實同hk以前海洋公園既水上樂園差不多~不過都幾好玩~~

最深刻既就係玩一個坐住水泡玩再由滑梯滑落去既,(hk以前都有)我地玩第一次既時候,我同亞da坐同一個水泡,亞mo and togo就坐另一個,第一round,亞mo佢地落去先,但我同da一滑落去就反左艇 ....跟住好辛苦先上返去個水泡,再落第二條時,又再反多次,前後反左3-4次先滑到落去...最後一次滑,亞mo佢地上左岸,我地都仲未上返去個水泡度,剩係識得o係度笑,亞da上左去又跌返落黎,超好笑!

玩完之後,發覺自己o係所有game中,依個係飲得水最多既....之後我地就再玩多次,換左我同亞mo一組,亞da and togo一組,但點知都係反艇的!!尾二果round我同亞mo個水泡都係背住滑落去的,亞mo好攪笑,不停咁講: 到未呀到未呀? 點知最後反艇不特止,仲要飲左好多水,而且我仲陷到我頭,即刻暈左一暈,仲撞到個膊頭.....唉//.....不過真係好好玩,好攪笑,哈哈~~之後我地玩度差不多五點就走lu~

之後我地就好攰咁搭車返台北車站,之後返酒店放低d野,我走去左搵christine,因為今晚約左佢同connie食飯,之後christine仲帶左亞da佢地去食火鍋,而我and christine就同connie去第二間食~

食左好耐,同connie食飯時,由於佢同佢個男性朋友都係台灣人,so佢要求我都講普通話.....不過整頓飯,我都好少出聲囉...之後就搵返亞mo佢地,一齊出發去士林夜市lu~一到達,亞mo就叫左個大大雞排~不過實在太大了,都吃不完,又食左胡椒餅,又飲左d大大杯既特飲~蠻不錯 ~~之後食完之後,俾我發現到有幾個攤檔d衫都ok~於是臨走都俾我buy到件衫,之後我地就搭的士返酒店lu~因為捷運到十一半就冇得搭了....不過除返開,每人要俾都唔係好貴~~~~

而每晚我地都會玩一個遊戲的,就係大富翁了~我地會將每日大家有份幫對方出既錢,夜晚會黎一個結算。哈哈~好好玩,將d台幣掉黎掉去......