返黎好幾日了,明知有好多要攪,但都仲係無所事事咁,一直都唔想打日記,咩都唔想做....好想一直去旅行唔返黎....

不過anyway,打返果幾日既事先~

(15/08) 仲記得15號出發日,11點幾就去到Hactl拎機票,但我係搭4:05班機囉....拎完機票打算去左機場check in先,但唔記得落車囉,所以去左'don't 沖'.....=.='' 不過原來'don't 沖'既東薈城有好多野行,入面全部都係outlet黎架,行左陣就搭返車返機場hea了~等到4:05起飛,o係機上面已經訓到死豬咁...過到去果邊都成9:00幾lu....之後又要等左一輪,幾驚趕唔切尾班車....最後好在有個日本人好好人咁帶我去趕去車站,最攪笑係佢見我果頭話趕,但就好悠閒咁拉住個o急行,於是佢就索性幫我拎埋個o急叫我跑過去....哈哈

o係等緊車既期間,我就四圍搵電話打去酒店,因為我book果間酒店最遲只可以12:00 check in,好辛苦打到俾間酒店,點知講唔夠2句就唔夠$,我只係夠時間講我只咩名同用我最爛既英文同佢講要遲check in....之後我再入多次$打多次,點知我又係講左我叫咩名,我等既尾班車又黎到,我記得我講完個名後,只係同佢講: I go out la, bye bye.....=.=''而家諗返起真係又狼狽又攪笑~

搭左個幾鐘先去到東京,仲要轉多程車,落左車計埋搵路,已經係12:00幾lu~好在最後酒店果個人都俾我check in,仲拎埋張房咭等緊我,哈哈~~

大家係咪好奇怪,點解由頭到尾都係得我自己一個呢??

因為今次去日本buy既依張機票係超平機票黎,抵到爛!!但代價就係冇得同家姐同一日出發&同一日返黎喇~而家姐就係搭第2日既機過黎日本~^^