一點起身,就同左媽媽同加姐去食車仔麵,哈哈~之後就同媽媽出左吉之島買衫,就係買星期五present既衫...我地行左好多到地方,但都唔係幾o岩心水,之後都係去返G2000睇,開頭打算買果套套裝,但勁黑仔囉,佢個promote 原來只係做到尋日...所以今日如果買,要正價,即係差不多要成$700~嘩,好貴囉...於是我地就睇下第二d款咁啦,因為其他都係差不多價錢...睇左好耐,最後睇中左一件綠色既針織冷衫,同白色恤衫,再加一條米色既裙,唔唔,我覺得都幾好睇,媽媽佢都好滿意,哈哈~~~但埋單都要成$600幾...不過我另外buy多左一件底衫,so其實咁樣買仲抵dd囉,哈~~
之後就到睇鞋喇,睇左一陣,覺得吉之島果度d鞋麻麻地,於是同媽媽買完六合彩就行左去置樂,o係十五街睇中左對鞋,好靚架,有d彩色波波o係上面,但都ok貴,要成$299,咁我地打算睇埋萬寶先,萬寶都睇中一兩對,價錢都算平,但媽媽就覺得十五街好睇d~~咁最後都係去返十五街買...~~~最後一站就係去小曼谷,因為要買外賣既關係,所以我地o係小曼谷門口足足等左九個字,一路同亞媽吹水一路等...真係未試過等外賣等咁差耐架...之後就搭(屎巴)返屋企啊~~

P.S.聽日就要present英文啊,好驚啊,今之靠哂依份野架喇....放學就應該會上亞da度做功課,希望做得切,唔駛又通頂啦....

今日用左媽媽好多錢啊,最衰自己又未出糧啦,唉...不過我會歇盡所能,著靚d套衫架喇,yeah~~