有好幾日都冇打日記了~
依幾日都係咁啦,返學放學咁...尋日夜晚去左bbq with 實惠d同事,感覺其實有D奇怪,因為我去左頌富依間鋪都唔係好耐,但果度d人真係唔錯,個個都好好人....去到其實都冇咩燒到,只係同d同事吹下水而已...大家燒到兩點幾就散lu~~

今日就返晏晝2:30,去上marketing,個亞sir發覺佢真係好唔得,d生字解釋得又唔清楚,自己又唔肯定D意思,又成日講埋d得自己先識笑既笑話....唉....痴線

夜晚約左da,介,溫生去食飯,食完都十點幾lu,我地於是去左市鎮公園坐....係咁玩psp既太鼓,好好玩~~玩到十一點幾就走lu....

中途我地遇到隻狗....開頭我都好怕佢的,因為以我依d怕狗既人黎講,真係唔係好想行近佢...而且佢又生左d唔知咩野o係隻耳仔度....So都冇理度佢,仲要臨走時佢係咁跟住我地,到最後我地上左小巴佢又跳埋上小巴....之後俾人趕返落車,我地因為坐車尾,見到佢係咁o係馬路追住我地架車,對於我依d怕狗怕得厲害既人黎講,今次反而有d覺得佢好可憐,好慘 .....唉...亞da o係日記講d野都幾岩的!!!