今日派左成績表喇,好在全部都合格~由其係IBA~好多謝Patrick啊 ~之後lunch我地去左扒王食慶祝我地合格....之後就如常返去上IBO,我訓左足足一個鐘,之後放學就上左亞Da屋企做中文...但我地實質只係十點幾先開始做...間中我地o係度玩鋤大dee,又玩埋d好變態既野...哈哈~

之後到差不多十二點幾,就當然睇我既<創世記>啦~哈, 睇完之後我地都冇咩意欲去做功課,而亞介就攤左o係床度...於是我地就做左d powerpoint,但做左一半,我就提議繼續鋤大dee...於是我地三個,亞da同mo,就係咁,玩到差不多五點....先返屋企~~

唉,唔得喇,後日就要交喇...但好似又冇咩做過咁...咁就通多一晚頂lu~勁殘囉個樣

今日一早返去,以為派成績表,點知唔係,聽日先係...好驚呀~
於是我地放左學就去左美食廣場傾物流,到1點等埋亞da同peggy就去食飯~之後就死左返去柏麗繼續做物流功課...做到成6點幾...仲差d野咁啦,不過聽日要交喇,而且星期五又要present中文,唉,咩都未做,好眼訓...好累...

頭先Ruby打電話黎,同佢傾左一個鐘到,佢地今日PRESENT同派成績表,佢全部合格哂啊~恭喜哂啊~好開心呀,永遠同佢傾電話都有好多野講,暢所欲言的,冇咩唔講得~~Happy, 順便可以俾自己輕鬆左一個鐘~~一陣又要開工啊~做做英文And物流...

今日亞彤一早就上左黎,o係度嘈嘈閉,最終俾佢嘈醒左~跟住佢冇耐就去走喇....之後原本2點約左peggy佢地上亞da到做中文,但加姐撩我去游水,最後都係跟左佢一齊去...改約亞da佢地3點,同加姐行去屯門泳池,游左一個鐘到就沖身走人了,之後我就直接去亞da home...上到去吹左一陣水,亞介就上黎,原來我地籃球比賽拎左第一,好勁啊,遲d Billy sir請去BBQ啊~Yeah~跟住我地去左食野兼拎中文d資料...之後上返亞da 屋企,做到9點幾就走lu,因為我地發現左一個好大既問題.所以.....停左落黎....聽日先返去問亞sir....哈哈