今日我午膳果時一個人坐左響度，好無聊地唔知做咩好，我就好似唔屬於果度一樣，完全唔知自己既存在有咩用，我真係好失敗ａｒ。我好想知自己有咩唔好，點解人緣禁差，係因為我無ｓｕｋｉ他們禁假，定係因為我樣衰ａｒ？他們可以同ｓｕｋｉ玩得禁愉快，但係一見到我就唯恐走避不及既模樣，ａｍｙ同晶晶掛住講數學又唔理我，ｔａｍｍｙ要打機，結果又係遺下我一人。一個人既感覺真係唔係幾好嫁，尢其係見到身邊既人唔係有朋友就係有男朋友，家姐、ｔａｍｍｙ，就連ｓｕｋｉ都有，他們有朋友，又有埋男朋友，有時都幾羡慕嫁，尢其係見到ｔａｍｍｙ好甜蜜既笑容，她可以不諱言地講她好愛阿文，我希望她幸福啦！仲有既就係我今日考左體育既跳舞啦，本來應該唔太差既，但係當我跳跳下果時諗起老師話要同同學有ｄ交流，我未諗住搭晶晶膊頭（她之前都有搭我膊頭），點知她唔俾我搭，結果一個計算錯誤之下就跳錯左啦，唉！