今日生日啦，好開心啦，雖然只係響屋企食左個蛋糕同公仔麵，但係都好開心啦。今日同amy，tammy去左影貼紙相，同上次晶晶一齊去個feel完全唔同......

　　尋日雖然俾梁sir鬧到喊，但好彩今日冇鬧到我，我飛撲落去交功課俾佢啦。放學之後去

影貼紙相完全俾tammy欺壓，不過好好玩，我同amy響佢個樣隔離整左隻噴火龍......仲有好多

野，佢好似唔知，哈哈

　　之後番屋企睇牒，屋企真係舒服。

ＰＳ今日阿爸冇喇喇打俾我，話好對唔住陪唔到我，祝我生日快樂喎，跟住我心諗......你有

邊次得閒陪我，又唔見你之前咁講喎......

　　今日做左好耐功課啦，一陣仲要溫書.....

　　咁又咁多日冇打過啦，都係因為掛住睇火影啦，尋日測中史，前晚溫到兩點幾，第二

朝頭痛到爆，好快咁測完，覆埋，仲要對左好多次之後，諗住撲低休息下，死金魚唔俾我

訓，話咩你冇聽Mr Justin講野咩佢話上堂時上堂，依家唔係訓覺既時間......訓左我一大

輪，我同佢講話我做曬卷，覆埋，佢繼續訓，我等佢講完之後回左佢一句，話頭痛唔係應

該休息架咩，跟住佢個樣超兇.....我諗呢份卷都有行啦。

　　放學之後去左練波，依家個博頭超痛啦。

就黎生日，媽咪問我想幾時出去，但係響我生日果日佢根本唔得閒，我覺得提早慶祝同延

後慶祝根本冇意義，所以話唔多想出去，佢仲要黑曬塊面，咁我未是但五月一出去囉，無

奈．．．．

　　今日好大風又好大雨，同我個心情一樣，我唔明我D地理點降會變左成績勉強囉....中國語文更加冇可能得C...

　　今日唔舒服啦，個頭超痛，amy話我打機打得多搞到咁，媽咪就

話我係夜訓搞到咁...聽日要數學test啦，都唔識，點算啦.....

　　放學睇左人切豬心，都唔知佢地點解可以將我地當係空氣，一路

淨係對住miss ng一路解釋，都冇理過我地，好似得miss ng一個係觀眾咁。