神.保守明天

尋日10點打俾老公.同佢傾計傾到12點幾左右.傾傾下...
大家都見肚餓.老公好搞笑囉.竟然去左雪櫃偷食瑤柱.哈哈.
跟住佢又飲左個益力多.而我就飲左個豆奶.傾多一陣.大家就訓覺啦!(好累)
早上打開雪櫃.咦~見到有益力多既?心諗:早知雪櫃有益力多.尋晚就同老公一齊飲啦.嘿嘿..
唉唉唉*聽日老公黎接我放學哇.由尋日到依家都係處於緊張既狀態下.
點算好呀!?有邊位可以教教我?
雖然同老公一齊.唔經唔覺已經兩個星期左右.但係次次只都係係電話傾計.
今次竟然要見面.我唔緊張就假啦><
唔知聽日會點呢?算...都係隨機應變.驚自己見到面之後大家都口啞啞炸.
係電話傾緊係可以好自然架.但要見面喎.點都係唔同D架嘛!
聽日話咁快就返學啦.真係好唔捨得依個假期.最衰學校連星期4同5都唔俾放埋.
如果唔係可以休足一個星期嘛.次次都係咁.好衰架><
最慘既係第一日開學者.就要上女魔頭既課.唔知今次佢又搞咩俾我地嘆.
上帝哇.點解要咁整估我?聽日真係好特別既一日囉.
真係唔知聽日見到老公會點呢?少不免一定有D唔慣架啦.冇計...
死就死.到時只可以見步行步.如果可以唔洗咁日見就好^(00)^
我諗.聽日見面應該唔會好差既.如果唔係我死左去算.
等陣打完依篇BLOG.就要繼續完成埋女魔頭既功課.今日係最後(沖廁)啦!哈哈..
不過提到女魔頭既功課.講起整緊個個紙粘土.樣衰到自己都頂唔順
就俾大家睇下我整左出黎個樣=======>(天使)
講俾大家知依個係天使.個說服力應該係0%...明白明白
簡直係難睇到嘔.連自己都覺得差到唔知點形容.咁女魔頭依種咁高要求既人緊加冇可能收貨啦!
唉...今次都預左佢要我重做過.真係無奈= = ''
千悔萬悔自己竟然會選左依科.依家想返轉頭都唔得啦!
自從入左黎依一科之後.受盡折磨同痛苦><鳴鳴...點解我條命咁苦架?
神哇...你一定要保守我聽日順順利利哇.阿門