開展<回憶錄>

唉唉唉~今日累死的了.下午因為要出外參觀沙田馬術.所以學校提早了放中午飯.
好讓我們能夠盡早出發.><''
好後悔自己去左個度.因為悶到爆…仲覺得好熱.真係好冇癮囉.
自己回程既時候.係車上既我.開始覺得好累.周公要黎拉我走人.
不過…即使自己係幾咁累都好.或者我唔慣係車度訓覺啦.
所以全程都冇訓過.反而係坐係我隔離既梅訓左.仲差唔多成個身靠埋黎.哈*
落左車.同梅去左7仔買水飲.因為梅話佢好口渴喎><''
行到巴士站.同梅係咁傾計.傾到我車黎左為止佢先走…真好
係車度仍然覺得自己超累.但卻唔慣係車訓囉.搞到自己死頂住.
坐坐下.突然坐我後面既一個中年男人講電話.嘩~我既耳膜就黎穿啦.
因為佢講野真係好大聲囉.令我覺得討厭…搞到我好有衝動想另換身同佢講:可唔可以細聲點?
依個衝動.令我諗起唔知邊一年.發生左一宗巴士阿叔鬧人事件.哈哈…
忽然覺得自己咁做既話.有點似依個情境囉.唉~竟然制止唔到佢既言論自由.
就只可以係心裹面祈求佢快點傾完.俾我隻耳清靜下.
另一而.令我感嘆既係…時下既中年人.真係唔識咩叫禮貌.偶爾係車度都會聽到有人講野好大聲.
真係唔該佢地…檢點一下自己既行為.車上既人唔係只係佢一個乘客.= = ''
返到屋企附近.我行路行到連蝸牛都可以追上我.如果同蝸牛賽比既話.一定係佢贏.
我都唔想架~但冇計.我真係好累.只可以用好慢既速度令自己向前行><''
終於返到屋企啦~換左衫..緊係即刻上床搵周公去茶樓飲下茶.食個飽.傾下計啦!
訓到食飯既時候先起身…依家既我精神十足.嘿嘿..
聽日開始要準備我既<回憶錄>.我有信心一定可以做得好好既.@v@