| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 9 月 2 日 星期六  |
好擔心公公  |
分類: Entertainment |
今 日又同公公去覆診, 今次醫生話佢隻眼嘅視覺有d委縮, 但唔sure係咩原因令到公公隻眼會咁, 所以要排期安排做x-ray, 見到佢身體越來越差我真係唔知點算, 又成日腳軟企喺到或者行路都唔係咁穩, 呢幾年佢入院又多, 所以我知要佢個個月覆咁多次診係好辛苦, 我都唔忍心佢周圍走, 仲因為我過份緊張公公, 成日發婆婆脾氣, 我真係好嬲自己成日罵婆婆, 但有時見到佢哋有d咩事發生唔出聲我就火到來, 唉.......我只係想佢哋身體健康, 無病無痛要我幾辛苦都無所謂ga, 我真係寧願自己短命d, 俾佢哋長命百歲, 我公公真係一個好好好好嘅人, 佢教識我咩係人情世故, 佢仲成日幫人, 但點解要佢suffer咁多病痛, 不如等我去受呀, 我咩都唔怕, 最怕無咗公公,婆婆同埋我d屋企人, 媽咪唔喺香港我就要更加好好睇住倆老, 但有時放咗工我已經好攰, 所以唔可以日日去睇佢哋, 但我一有假期已經陪哂佢哋, 唔轉工亦因為呢份工俾我可以就到假期同佢哋覆診同睇醫生, 而家even邊個叫我去街我都say no, 但.......我下年真係好想好想同個朋友去澳洲, 而家咁樣我點捨得唔理佢哋走咗去呀????? 
GOD...pls help me~
|
| 公公入咗醫院~ |
分類: Entertainment |
 今 日公公差d係個商場暈低, 好彩有d有心人輔住佢, 跟住聯絡我哋, 仲幫我哋call白車送佢入醫院, 當我喺公司收到婆婆嘅電話時, 佢又驚喎, d嘢講到唔清唔楚, 赫到我喺公司失哂暈~ 嘩, 我個心真係離一離, 好驚阿公就咁就走咗去, anyway, 而家佢情況穩定, 要留院觀察, 星期一先有report睇, 唉......我見到阿公瞓喺張病床到, 我就好怕佢會一睡不醒, 次次我都好努力忍住唔喺阿公面前喊出來, 但喺我收工去醫院途中, 我就忍唔到喇........ , 點算呀, 我真係好驚, 如果公公真係走咗, 咁婆婆一個人點算呀........聽日一早要去買餸, 煮午飯俾公公食, 希望佢可以快d出院喇~ |
« | 31 | 32 | 33 | 34 | 35 | 36 | 37 | 38 | 39 | 40 | ... | 56 | »
|
|
