| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2007 年 9 月 11 日 星期二  |
返工....返工....返工.....都係返工  |
分類: Entertainment |
我就來痴喇~上個月計埋病假同off都只係放咗4日,而今個月由1號至22號都係返工 ......返7日程已經返到麻木咗,身體情況開始唔係咁好,由好精神返到自己又情緒低落同脾氣極差 ,為咗個旅行頂硬上,真係好怕自己會不支倒地呀.....唉
星期三同六放早都可以去睇吓公公婆婆,再唔去探吓佢哋,我真係會內疚死!!!!
好想好想儲到多d錢呀,前二個月借咗錢俾個朋友,但佢好似無乜意識還咁,我知佢唔係唔還錢嘅人,我亦知佢可能無能力還,但佢連電話都無個,我又唔知點開口,上次打咗幾次電話俾佢又無聽,唉......... 我真係唔想迫佢還,但我自己都無能力幫佢頂咁耐
|
| 2007 年 9 月 7 日 星期五 |
TO: 娜娜......多謝你嘅體諒^3^  |
分類: Entertainment |
 娜 娜~好開心你原諒我嘅善忘~我真係每年都唔記得你嘅生日,我個心真係好怕你會嬲死我,我呢排真係好少放假呀,你知啦~我屋企有負擔,同埋我又想去旅行,所 以我返工返到連公公婆婆都無時間探,我已經好內疚喇,好開心你明白我,我好想好想同你講聲"對唔住"~因為你永遠都係最就我果個,無論我脾氣幾大都好,幾 不可理喻都好,你都會原諒我,而我就好唔識主動關心你~但係我記得今個月十三號就係我哋一齊入職blockbuster嘅大日子,咁我哋就識咗足足六年喇 ,即係我哋老咗好多囉~你係其中一個對我來說好重要嘅朋友,呢樣嘢永遠都唔會變,無論我哋第時各自有自己家庭都好都唔會變嘅,希望你可以好快搵到一個好好好好又好照顧又好關心又好了解你嘅老公.....哈哈
我哋真係好耐無見喇,但次次都係我同你哋夾唔到時間,真係好唔好意思哦,我promise你一定抽時間約你啦,sally啦,詩生啦....等等出來打邊爐,最多我去搵位呀 |
« | 7 | 8 | 9 | 10 | 11 | 12 | 13 | 14 | 15 | 16 | ... | 56 | »
|
|
