今日可以比賽ｌｕ，因為，今日冇落雨ｌｏ。嘻嘻∼∼∼（係唔係好傻呢？）

　　今日比賽果陣Ｍｉｓｓ吳同我地講話：「佢地唔識打手球架。」

　　我地仲以為今次唔會輸比佢地ｌａ，點知．．．．．．．．．輸左。（勁火囉）

　　比賽完之後握手果陣ｄ人係到扮好心咁問；冇野呀嗎、ｓｏｒｒｙ呀、你叫咩名呀．．．．．．．．．

　　我地個個都好想罵佢地呀。不過算喇。我地走左之後係咁罵佢地。

　　我最慘呀，因為我俾佢地整親好痛呀，而家仲流濃ｔｉｍ呀。

　　今日，我放左學之後就去左學整芝士蛋糕，整左好耐呀。

　　我都係岩岩先返到來屋企。我整整下蛋糕果陣，睇一睇電話，點知，我見到有４２個未接電話呀，我果陣一睇，原本係屋企人不斷打電話俾我。

　　唉∼∼∼我老豆又係到係咁話我，討厭。

　　屋企最討厭既人就係我老豆，因為佢好煩呀，成日係到嘈住晒。