今日成4點幾先訓...
8點鍾就起左身...換埋衫呀成都成8點半
落左葵涌村掃左兩三板就落去大窩口體育館喇
隔左一陣就對葉紀南
我腦裏面一片空白-.-
超攰...但係愈打愈起勁
大分3比0贏左佢地
去到10點幾對第2間 圓玄
第一場 我唔知打緊咩 輸左
第二場 小平可能見到我打得咁差,淆青 又輸左場..
去到第三場 野獸對果個太弱喇.. ko 贏番場
第四場 又到我...狀態黎了 興奮 贏左
第五場 我地個氣勢嚇疾左人地 贏埋.. 哈哈 大分3對2險勝
去到11點幾 打第3間 裘錦秋
只可以話人地都好強...我地只係弱佢少少...
每場都拎到8分以上 但係都係11:x咁比佢地贏哂~唔緊要啦 我覺得我地好好波喇
最後一間 我地對嶺南[季軍戰]
野獸今次打頭陣 佢打得唔錯 但係成日攻失
第二場到我 對番上年分齡對果個 贏番佢 好感動-.-
第三場 小平 冇問題啦佢 贏左
第四場 又到番野獸 佢壓力可能太大喇..輸左
第五場 唉 都怪我地出錯陣吧了............不過輸左就係輸左 都好既 幾年黎終於拎番隻盃仔[殿軍]..
ps:我頂 嗌到喉嚨沙哂 冇計啦 太興奮喇! 不過我始終覺得 如果有一個人黎左 我會打得更加好.. |