中秋節快樂唷!~!~我電腦壞左...係人地屋企打番日記

7號個日好開心唷...朝早訓到好晏..無去到搵啊曉/其他人..悶死..

之後去左打機同等麟&啊蟲.之後齊人去左cwb陪麟買袋..去到.

頂佢,...佢唔記得EPS既密碼..要我幫佢比..之後買完去左搵啊蟲..

齊人之後打左一陣機.之後一齊去左食野.,食完之後啊華去左搵佢女朋友..

肥仔去左石O同班機友BBQ.得番我同啊麟同啊蟲.啊麟要去灣仔拿番電話.

之後我同啊蟲去左太古.我去搵一搵人.之後搵齊人之後就去左mk搵班香島既fd.

到左之後好多人放飛機.之後好彩都有幾個人到.之後飲左杯野.無食野.肚餓......

之後玩完同佢地成班去左蘭桂坊搵我fd..點知佢搵個位俾人拿左..算..行左一陣.

之後分2架的士去灣仔.去我fd 間酒吧~啊蟲.我.光頭.啊凝.brenda.啊麟.肥洗.

識左兩個新朋友(brenda&啊凝)都係女仔同佢地兩個唔同車.比啊麟機會.

到左之後見到好多人.好彩都有位.之後飲飲下黑貓又黎左~之後同佢地玩左好耐.

好多野玩.玩玩下唔覺得就到左第朝7點...個埸走淨我地個台..之後個個醉哂...

得我.啊蟲&黑貓無醉.不過佢地兩個都wingwing地....好玩好玩...

其實想約多幾個人出黎..不過佢地都各有各忙.... 想同你一齊過中秋

想同你過每一個節日~~~因為想見到你開心~~

今日去搵朝早醒左..之後見無野做.一個人去左skw.之後諗住搵啊蟲.

佢又未醒.之後去左搵啊曉..係啊曉度食野.隻金毛真係好得意..好想買左佢..

之後都係算...食完之後去左愛蝶睇下有無勁人打機..又係個幾個.之後自己一個人玩.

悶悶的.之後Miggy打黎提我交學費..之後俾左人玩走左law.坐地鐵去左奧運站.

去到好無聊.之後去睇下人打機...見到忍唔住手..去左duel人..單人連Win左7win.

上左榜之後岩無聊..打機打到(釣魚)....之後有個鬼佬(2x歲)同我夾玩..同鬼佬夾得幾開心..

之後仲要我地又係連win.佢仲要俾個good我.我又比個手指公佢...呵呵~

不過之後玩玩下玩到訓著左..之後俾左我後面個人玩..同個鬼佬講左good bye

之後走左law..之後同Miggy 去左交學費...頂..灣仔無哂位..點都要去大角咀番學...

Pk..之後算數..之後坐小巴去左 MK.去左仙跡度飲左杯好難飲既野飲...

飲完去朗豪坊度行左陣..睇岩條Levi's>3<"遲下買先..之後去左睇夜宴.

比我想象中好睇好多..而且仲要幾有味道睇完之後坐地鐵番屋企.......

其實夜宴既結尾係最好睇既部份~!章小姐死個度要諗個度先好睇

今日好早起身.見無野做.去左搵啊曉番工..

陪佢落到SKW之後去左愛蝶打機...玩左一陣..

so 悶...之後去左食飯.食完啊蟲先醒..本黎約左佢11點..佢成4點先出到街.

勁失望!!!!可以遲咁多...無野好講...之後成班行左一陣街.

之後肥仔無lala話去睇煙花..我話唔去...佢又話要去識女仔..叫我幫幫眼...

之後啊蟲又話去..兩個死仔拉住我..死都要去...之後打俾Miggy...問佢會唔會去.

原來Co兒 約左佢...打完俾佢之後就同肥仔.啊蟲.啊華&啊華既女朋友.5個人去左尖咀.

去到之後.見到一班女仔...原來就係肥仔要識既人..之後班女仔玩野.

肥仔行近一步.佢地退一步..之後算..我地自己個班行去海邊算!!!好多人=.="

好彩我都行下行下.行到幾前....之後又熱...之後諗住搵到個靚位睇..

點知...無lala..個屁股又俾人毛左幾下!!!!PK...之後又廢時話俾蟲佢地知.

行前多小小算!之後望番後面..又係中年啊伯!!唉!算...當我黑仔算..又係俾啊伯毛屁股.......

之後等左一陣..開始放煙花.嘩!~嘩!~嘩!~睇就幾好睇..不過我個個位都係睇到冰山既一角.

睇完之後..個個都散哂水.之後打俾Miggy諗住問佢食唔食野..俾人捷足先登tim.

不過算=.="唉.......之後同啊蟲佢地去左swh 食糖水.食完番屋企...番到屋企諗住訓...

之後麗怡打黎..問得唔得閒..陪佢去睇戲...之後出左街..同佢去左玩...食宵夜!

食完同佢行西灣河碼頭.行完之後同佢番柴灣..之後番屋企訓覺law..............

so 累累累累累累累累

今日個人好累.好想訓多d.朝早醒左.落skw搵啊蟲....

點知去到skw..啊蟲都未醒.咪去左啊曉度食野..d狗又嘈到......

rainbow新請個個女仔.好唔知點..睇上去好自大.仲好串.唔係太like佢..

不過算..又唔係同佢做朋友...之後食完野.去左愛蝶打機.打左一陣.啊豆黎左搵我.

瑪利亞依然同以前一樣..番9點放10點..都係一間無用既書院....垃圾瑪利亞...

之後同啊豆打左一陣機.之後又見到啊峰..同佢夾左幾次.好好玩!~!之後同啊豆同啊峰出左去食野..

去到天悅.啊豆無lala又走左.番屋企食飯wow..算!~!mame緊要.之後等啊華..

諗住去左陪啊峰搵工.可以岩岩好啊華到skw.我地岩岩好行完.點知我地行完..

佢先岩岩送完佢前度女友去坐巴士.頂..又係有異性無人性個d..之後同啊峰2個人去食飯算.

食食下啊豆又黎到.之後啊華過多一陣又到.之後食完又行左一陣~等啊蟲一齊去做gym.4點幾5點先等齊人.

唉...算!都唔係第一日約佢地..今日做GYM又有師兄話我大隻左.身型好左So Happy=3="

之後師兄叫我慢慢.唔好做太多.唔係會無咁好~佢仲話見到我之前做個時d肌肉出哂黎..

聽左之後更加俾心機去做~做到好累~做完之後去左搵康怡搵人.搵完陪啊蟲去買飯食~

之後搵一個朋友一齊番cw...today　ｓｏ　ｈａｐｐｙ∼∼

朝早.3個家姐已經一早係度傾女人經..嘈醒左我._."不過算..

傾到好大聲....不過都係傾我地細個之前d野~我無出聲.因為我聽到都幾好笑.

原來我細個仲活躍過小學..真係同一隻馬騮一樣~仲好鍾意玩人~好多回憶

之後佢地又係度傾我既感情生活.都唔知有咩好講.不過算~諗番之前自己d野都好笑

之後佢地又傾佢地既日後生活.幾時結婚幾時生仔~又生幾多又x~真係多野傾.

之後聽聽下又訓左.訓到11點幾..第一個醒.其他家姐仲訓緊~醒左之後玩電腦~

玩o左一陣之後食左霞姐煮既野.好好味~MaMe i Love you =3=".之後上網.

屎忽痕去左勞工署個網度.得閒無野做搵到幾岩做既工~之後去左SKW既勞工署就業中心度去搵睇岩個份~

其實最主要都係想啊蟲快d搵工..佢成日無所事事...有我做第一個佢maybe會有動力搵掛...

之後個份工竟然遲下叫我去In...真係咁好彩...不過成80-120$一個鐘..幾好做既.應該.......

之後坐地鐵.去左長沙灣番拯溺.今日係咁用自由式游..游左好多個池..個人好似短路左咁..係咁游..

停左一陣之後又游..累到個人傻左...之後又玩牛利.好玩...miss話我自由式隻手好好.不過隻腳就差d.

叫我唔好做咁多GYM..個人會沉...不過而家都太遲...因為已經好沉...晚晚拉筋.......因為抽筋抽左幾次...

之後去左SKW搵啊曉~同佢傾傾一唔一齊搬出黎住既問題~其實諗住叫多幾個人一齊住...

不過又未諗到叫邊個..Ruby佢又未得.啊曉又未知.啊峰又傻下傻下(同佢住同去垃圾場一樣)....傾左一陣之後一齊坐車番CW.

沈晚3家姐教我小小法文~不過原來佢都唔係好叻~佢俾左個網我~叫我自己上網學~

之後問3家姐 You are Beautiful 法文係咩~(Tu sont belle)之後用法文同Miggy傾左兩句~

其實仲有一句想話佢知..不過唔知岩唔岩~(Tu vrai ressembler ange) 呵呵..都唔知岩唔岩~

3家姐對住我講左幾句英語唔係英語.夾雜d唔知咩野.開頭仲以為佢講粗口..原來係法文.哂命!!!