今日無出到街，o係屋企睇左導盲犬小Q，勁好睇呀，好感動嫁!

睇倒小Q令我諗起以前我住響安置區o個時，有一日我阿爸拎左隻黑色ge狗仔番黎，但係我o個時得幾歲，見倒隻狗就好鬼驚，摸都唔敢摸ga!成晚我就坐響張床上面，隻狗就係咁想爬上黎，嚇到我死死下!當我第二日想鼓起勇氣去摸下佢ga時候，先知道原來我阿媽一早就將佢丟左去垃圾房la，佢話好難照顧wor!我o個時真係好後悔之前無同佢玩呀，我到依家仲好記得隻狗個樣同埋佢ge眼神，仲好深刻潻，我諗呢件事係我童年生活之中最難忘ga一件事。唉!唔知隻狗後尾點呢?

聽卓垂芳講話劉碧娟同李瑩娟都想辭職，我極之贊成呀!一來間公司好似係呃人咁，二來D上司又俾左好多壓力，一於辭左份工佢，同我同卓垂芳一齊搵工啦!