係20號-22號..(上星期五-日)

我地一家同公公,婆婆一齊去黃金海岸酒店..

住三日兩夜!! 其實我地一家差不多年年都有去住架!!

我地下午就出發去中環..中間道搭穿梭巴士去~~

之後,,就係酒店大堂CHECK IN..我同妹妹都收到個贈品!!

我地拿到個房間卡片..就上房=] 我地住9樓..920

入到去...就可以清楚見到一個海境@V@”

休息一陣,,我地就去泳池游水^^..

之後..6點幾就去食自助餐...最正係燒烤既食物喔*

我食左1碟頭盆..1碟主菜..1碟甜品..,,超正~~

之後,,8點30分就趕上去睇強劍!!!

強劍入面..黃宗澤同陳敏之..正是我的師兄&師姐!!

但世古不到...佢地咁岩係戲入面竟然係對龍鳳胎..姐弟*=]

咁樣就更加令我睇得投入喔”

~~~~~~~~~~~~~~~~~~~~~~~~~~~~~~~~~~~

星期六....晨咁早..7點幾起身”

就去食自助餐....都有好多野食架!!

之後,,佢地就去游水喇...不過我就唔得喇,,唔係我唔想

而係我果D日子又黎喇...落唔到水-^-"可惜...

不過我就跟住佢地去泳池...我就坐係曬太陽既椅

玩NDS同影影個泳池^^" 好令架..影到成幅畫咁!!

跟住....我地就出左黃金海岸附近既商場行......

食m記做下午茶...之後就返去酒店旁既游戲室玩..

玩左氣墊球..坐左超正既按摩椅..!!

接著就返房休息一陣....夜晚又食自助餐^_^"

今次就坐大堂..既梳化位!! 樓上重正過樓下架..

因為樓上有d外國人彈琴...有2個女既就唱英文歌..

好好聽架....一路聽,一路食野..特別有feel~0~"

我就最欣賞甜品,,我食左條mango雪條..豆腐花..

重有棉花糖小兔兔..好可愛架>3333<"

我一攞就攞左3隻...我比左媽同妹一人一隻!!

我唔捨得食...放係桌面玩佢隻耳朵-V-(無聊吧..")

跟住,,有個女待應行過黎汁碟..見到我咁都係度笑,,

就話好多人拎依D兔仔,,都唔捨得食!! 好快比人攞哂...

之後,,我就帶妹上房....睇電視!!

睇香港小姐.....我覺得今年既香港小姐冇個令女-.-

有就有既,,,得一個特別好囉..但最後都入唔到3甲!!

結果..我就好唔滿意囉...有咩理由個no.1咁樣衰架..

睇完反胃-0-" 沖涼訓覺...

~~~~~~~~~~~~~~~~~~~~~~~~~~~~~~~~~

星期日,,又係7點幾起左身><"落去食自助餐.....

我昨晚成兩點先訓.....咁早起身~~個人腳步浮浮..

意外就發生喇,,,我左手單手抬餐碟..

餐碟上有杯蘋果汁,,食物....我右手就[燒]BREAD..

我右手顧住夾BREAD就忘了左手,,一傾斜..倒瀉哂!!

唉...之後食完,,佢地就游水..我就留係房中打NDS..

跟住....(省略很多) 咪汁行李..係大堂等穿梭巴士..

等待中,,我就同妹係自助餐旁的小食亭買爆米花!!

不過成$20..好貴..果個女待應(昨晚果個),,

就話我地應該有張卡,,寫住免費買爆米花!!

不過我地已經鎖左門...忘記戴卡下來....

所以我地為有夾錢買黎食...!!

令女待應問我係咪今日check in呀?

玩左幾多日呀? 住香港邊區呀? ...等等

同佢都幾好傾...XDDDD" 之後我妹竟然請我食沙冰!!

又係$20架...令女待應都話佢好人!!

之後,,我地搭車走了!!