以下內容將以口語書寫,純粹發洩

岩岩不慎比媽子見到成績表 (也好,反正遲早都會知)

之後一場罵戰,預料之內

對住佢呢d蠻不講理既人,唔嘈係假

我都預左佢唔滿意我既成績

佢唔滿意,我冇野好講

大家睇法唔同

不過佢真係好煩囉

永遠都只會睇退步左既科目

可唔可以有一次睇下進步果d呀?

話我冇心機讀書,係呀,我係冇心機

咪比佢呢d人搞到乜野讀書mood都冇晒囉

進步有乜春用?反正佢又唔睇

有進步又點,一有退步既

又咪鬧餐飽

最少,全年成績比Form1有進步

我已經好滿足

但係佢呢種人就係咁

就係要人一步登天

小姐,起樓都要起左底層先啦

鬧我唔聽話?

佢自己又點?

我話佢唔夠人嘈唔好扯開話題

佢有冇聽?

我叫佢唔好亂搞我d野

佢有冇聽?

姐係佢話我就得,我話佢就唔得

平時又話老豆大男人

自己又咪係我面前搞大女人....

其身正,不令而行,其身不正,雖令不從

佢要我聽話,唔該係我面前做個好榜樣

之前我係想入精英班

但係而家係我唔想入

係咪入唔到精英班就代表唔讀書?

係咪入平班就代表我冇出頭?

唔好成日將問題放大啦唔該

缺席一次就以為我走堂?小姐,計全年呀

=============================

今次嘈得好激

因為啖氣,我忍左八年

一次過爆晒出黎,真係唔惹少

我知佢想我好,但係佢用錯方法囉

佢呢種做法只會增添我既壓力

睇黎又要打幾日冷戰

比老豆睇係一個好決定

至少佢唔會好似媽子睇野咁單方面

只要成績唔差太多,佢唔會care

發洩完畢

(完)