早上6點幾訓唔著,起左身,換埋衫之後出門口,路經的包店無開,無得食包,好傷心,於是偷偷的把皮帶縮少一格,

跟住去學校前門點名同等人啦.等下等下,涼粉佢地遲到,好彩無同佢地一齊食早餐,唔係班細既唔知點算,

跟住去到文化中心,8點左右開始企啦,企到10點幾d人仲唔行,跟住見到班菜農黎左,

最突出既係陳永,係到跑黎跑去,最後仲偷走埋,你話佢係咪在為偷走做熱身呢.

跟住唔知點解今年多左張步行證貼紙,個個貼曬係個地下到,見到d清潔人員逐張逐張咁撕,真係好可憐,仲有d垃圾桶唔夠用,成街都係d樽,

一路上幫人攞d袋.又重,太陽又曬,又要帶 緊箍帽,又要由起點行到終點,又要著冷衫,就離死啦,

仲有今年多左d樂團,以往都係小猫三兩隻,仲有咩仙女下凡,見到就想嘔.

諗住望下個天d仙女.點知個太陽又望住你,中暑多個睇仙女.

如果說大會操是長痛,我會說這是短痛,古語有云"長痛不如短痛",就係咁我接受了這個事實,忍忍忍~~~

今次企到我腳指有d痛,聽日又要測400米,接受這個事實吧~

因為昨晚無溫習,所以今朝4點起左身溫返今日要默書既內容 ,一路溫一路流鼻水一路流眼水,

好辛苦,苦戰左三個鐘,一個鐘神游太虛,不過唔知點解會流眼水?

因為不停流鼻水,所以無返風紀,默書哥陣,用左一包紙巾,真係勁==

中午返左童軍,估唔到又係打乒乓球,同上年一樣,呀sir又話會比賽,比賽左一場就無啦(我未打就完左...)

但係神奇既就係無流鼻水,唔知係咪靜止狀態先流(姐係乖乖地坐係到哥陣),

聽日又要公益金啦,仲要去食風,無哂野講,帶多包紙巾先~

-完-

呢個星期係咁測驗,唔得閒打blog,依家得閒少少,打下blog啦

有一個問題,就係blog有咩壞處,我諗黎黎去都係得幾樣,

唔知有無d唔同既睇法呢?----(浪費時間,私隠問題,口語問題<------唔要好處)

尋日打左支流感針,今日係咁流鼻水,大家點睇?

打左支針大家話手臂痛,但係我唔痛,大家又點睇?

我呀媽話唔比我地出去讀,只準留係澳門,大家又點睇?

我次次返風紀,話左放學會黎佢地班到收返d風紀牌,佢地次次放學唔夠5分鐘,

就攞左去教務處,你話係咪對牛彈琴,定係我做得唔夠好?

星期六去左練400,跑左1分16秒,蔡b話佢跑左1分10秒,跑完跟住睇宮心計

到左星期日,大清早為左生物而忍心無去同d fd打波,雖然好想去打,不過溫習緊要d,

溫到5點幾就溫完,跟住溫星期二要測既默書,溫剩兩行就唔溫啦,去左跑步,1分20秒,差左好多,4秒呀!!

跟住返到去無睇宮心,去左吸d game落手機到,

跟住就玩到11點,哈哈,好浪費時間,不過我鍾意,kaka

今朝唔記得帶書法用具,最後哥幾分鐘先問到呀星借毛筆,

跟住用左剩下既幾分鐘"鬼斧神工"咁搞點左啦,哈哈!下就測左生物啦,都ok啦,

放學之後溫埋個2行岩岩好到8點,

今晚唔知打機好定溫後日化學大測d野好,睇心情啦~~

今日呢,唔知點解,我地個英文miss呢,,

因為我坐係佢前面,所以佢講野係咁噴d水係我本書到,

唉,無陰公~

今日又無得測400啦.兩堂體育堂,一堂剩係準踢毽,

另一堂要返課室溫習,無陰公~

跟住落黎既五,六,一,二...都有野測,無啦,無啦,又要搏命啦~~