今日訓到１２點幾果陣，臭斌打電話黎叫我出去游水，見今日冇乜野做，就應承左佢。起身之後，玩左

陣電腦，就換衫出去。

　　今日因為係星期六，所以游泳池好多人，搞到要排隊。今日游水超正呀，勁好玩，個個係到你打我，我

打你，最後重係到玩掉人，個個輪流玩。玩果陣，個個都掉得好低，就係我掉得最高，達到我勁痛呀！我地

係泳池，重見到幾個畢左業既舊生係到游水。游完水之後，大家一齊去ｍ記食野，去ｍ記果陣，見到我地幾

個我地學校既高年級生係到做兼職。今日黃龍威同杰好唔好彩，兩個都倒寫野，好彩ｍ記俾番佢地姐，如果

唔係，佢地就慘囉。哈哈．．．因為某ｄ原因，黎金同朱仔要幫果幾個蕭生買ｍ記，見到佢地兩個果個無奈

樣，搞到我勁想笑。

　　夜晚番到屋企，即刻玩ｃｓ，玩左陣，佢地就話要同人地打ｔｅａｍ戰，不過我地輸得勁慘。唉．．．

本來唔會輸架，就係因為冇左呀ｊｉｌｌ同陳志遠冇打，而且佢地重要係到通水，超狗呀，如果唔係咁，佢

地一定輸啦。臭斌佢地又約左佢地果隊聽日再打過，聽日叫晒ｄ勁人，一定要佢地輸到貼地。