今日訓到９點幾，突然俾一個電話嘈醒左。原來個電話係學校打黎，叫我番英文拔尖補底班。點解要番，我唔知

既 ，一定係尋日冇番學，冇聽宣佈，所以唔知今日要番。個ｍｉｓｓ好煩咁，叫我快ｄ番去，我就好無奈咁起身

啦，不過起身之後，係張床到坐左陣，突然靈光一觸，心諗：「如果我而家番去，星期三咪要留堂。」我先冇咁笨

呀，於是就唔理三七廿一，繼續訓，最多咪星期三補番封家長信俾劉ｓｉｒ。

　　１０點幾果陣，訓訓下又俾個電話嘈醒左，原來今次係杰叫我起身，話去臭斌屋企錄音，於是又好無奈咁起身梳

洗啦。去到臭斌屋企，原來已經齊晒人，最遲係我同李麗珊。去到佢屋企，成班人係到傾左陣計，跟住個個都話肚

餓，於是又走左去天澤買野食，因為我去之前食左野，所以就只係買左個【麥旋風】食。食完野，大家就開始做野，

不過做做下又係到玩，搞到份野好遲先錄得成。錄音期間，重要狂ｃｕｔ呀，係咁重頭再錄過。而且錄音果陣，重搞

出左好多笑話，笑到我地個個見牙唔見眼。最後，經過一番努力，終於大功告成啦。錄完之後，杰同李麗珊就係到狂

剪段錄音，搞左一輪，終於得左啦，我地個個都好開心，聽番果陣，都覺得好搞笑呀，不過個個人都有ｄ唔想聽到自己把聲

　　夜晚番到屋企，上網狂係到搵緊睇電視果舊程式，搵左勁耐，終於俾我搵到，不過安裝左之後，點知冇聲。

唉．．．唔理佢啦，遲ｄ先慢慢搞。

　　尋晚聽杰講，話劉ｓｉｒ星期一卜左場，成班人去體育館玩。男既打藍球，女既打羽毛球。唉．．．自從升左ｆ２之後，都冇乜打過藍球啦，唔通要我同ｄ女仔打羽毛球