今日７點幾就彈左起身，因為我細佬唔肯番學，我呀媽係咁係到嘈，搞到我訓唔到，所以乾脆起身打機算。

　　打機打到１０點幾，就出門口，同杰一齊去天水圍體育館打波。因為卜唔到場，所以只可以打籃球，冇得打羽毛

球，搞到一個女仔都冇黎到。咁耐打波，估唔到今日打番，ｄ技街都係同以前差唔到，不過同打慣波既呇a比較，實

力當然重相差一段距離。打左兩個鐘，勁好玩呀，不過我多數坐係到睇，冇乜點落過場，最估唔到既就係，劉ｓｉｒ

打籃球都好勁呀，帶波果陣好勁，好似玩馬騮咁我地，睇到都想笑呀！今日打波，有幾個人唔小心扭親隻腳，真係

樂極生悲呀！打完籃球之後，就去７仔食野，食完野就去游泳池游水，點知果陣掛緊雷暴警告，所以冇得游，要到３

點半先有得游，於是我地就係體育館到卜左個場，打乒乓波，一邊吹水，一邊聽歌，一邊打，勁好玩呀，話咁快就到

３點啦。我地見天氣好左好多，於是就去，今次真係入得去啦。不過因為岩岩落完雨，所以超凍呀，個個一落水，凍

到傻左。因為太凍既關係，所以大家游左一陣就走啦。游完水之後，大家去銀座果間【大嬴家】到食野。嘩．．．間

野ｄ野食超唔店呀，貴甲難食，我食完之後，重肚瀉= =!食完野,幾個人走左去兒童機鋪打機。嘩．．．劉健祖第一

次玩【太鼓達人】，就已經好勁啦，但相比起，臭斌就廢得多囉,佢今次音樂考試合唔合格都成問題！

　　夜晚番到屋企，因為冇得玩電腦，所以一邊做功課，一邊睇電視。而家愈黎愈鐘意睇【醫道】啦，勁佩服【許

浚】堅忍不拔既毅力同埋果份委曲求全既性格呀！

　　聽日要去劉健祖屋企搞社會ｄ野，不過名義上係做ｐｒｏｊｅｃｔ，不過實質上就係．．．．．．哈哈∼∼∼

　　近排唔知係唔係熱氣，成個人都好似好燥咁，重狂咳，咳到成個人冇晒力，咁搞法，遲早咳死呀！咳左成晚,咳到

死死下,都唔知痴乜鬼線,突然又咳，搞到訓都冇得好訓！