今日晏晝去左睇戲．不過掛住係屋企打機，所以搞到我同臭斌遲到，好彩都係遲一兩分鐘姐，冇錯失ｄ精彩場

面。今日去睇【恐怖蠟像館】，嘩．．．套戲勁多血腥場面，果兩個殺手都變態架，將一個活生既人做成蠟像，而且

重眼都唔眨下。飛機同臭斌都好驚，盧世華重衰，驚郁黎郁去，搞到連手提都跌左係戲院到，好彩最後都搵番= =!不

過我睇開異型果ｄ，見慣ｄ血腥場面，所以唔係好驚，最得人驚就係果兩個變態佬突彈出黎殺人果ｄ場面，俾佢嚇左

一嚇,呵呵= =!

　　睇完戲去左，兒童遊戲機鋪到打機，本來諗住玩太鼓達人架ｍａ，點知掛住同人隻揪【ｋｏｆ】，所以冇玩到，

可惜可惜，惟有下次再玩啦！

　　打完機，番屋企拎衫去游水。游左咁多次水，今晚係最好玩既。今晚超正呀，成班人係到玩拉車，識同唔識既都

係到拉，條龍長成２０－３０米咁長。而且重同一班人起哄，全部人係到串佢地同埋向佢地撥水，不過都係玩下姐，

哈哈！玩玩下，點知ｄ人係到圍圈，重要圍女仔，而且重向ｄ女仔撥水，我見到呢個情況，即時行埋一二邊，廢事俾

人誤會就唔好啦！有ｄ女仔俾人撥水撥到差ｄ喊，陰公囉= =！最令人訝異既就係有個女仔俾人抽水，成班人圍住個

女仔，個女仔好似想喊，不過都係冇喊，當圍住佢果ｄ男仔知道佢冇喊，即刻又展開攻勢，又向佢狂撥水。ｄ女仔俾

班癲佬嚇到唔敢行去泳池中心，驚又俾人圍。我同陳立維重有杰企係泳池邊睇佢地撥ｄ女仔，我地重見到有個女仔係

池邊，俾佢班ｆｄ推左落泳池到，結果就係俾人撥水啦，哈哈∼∼∼∼

　　游完水去左７仔食野，跟住番屋企。