今日為左幫王曉欣預祝生日，好多人去左蝴蝶灣ＢＢＱ！

　　以為今日父親節，一定好多人去架啦，點知冇乜人去，搞到我地晨咁早去霸爐，都怪自己懶醒，提議早ｄ去霸！

因為佢地大部人都要番教會，所以得幾個人去霸爐。所以我地就係到一邊玩一邊等佢地黎！等到差唔多１點，佢地都

未黎，我地就燒野食先！燒左冇幾耐，佢地就黎啦！燒完野食，就同杰落左沙灘飲野、吹風同傾計！吹左陣水，就番

上去啦，點知見佢地個個都成身蛋糕漬，即時知發生咩事，佢地係到掉蛋糕= =！佢地洗完身之後，成班男仔就過左

去籃球場到踢波，因為霸爐果陣，已經同佢地踢到隻腳傷晒，所以跛跛下咁踢，超廢呀。踢完波就落左沙灘到，但又

因為隻腳傷左既關係，所以淨係坐係到。見悶悶地，就打電話俾人，同人傾電話！冇幾耐，就番屋企嚕！黎金因為坐

車果陣，俾冷氣吹親，搞到好頭暈，見到佢都覺辛苦呀！我地轉輕鐵番去果陣，佢因為頂唔順，所以冇上到果架車，

坐係ｄ櫈到休息！去到頌富商場，因為放心唔落，所以打個電話問下佢有冇事，點知佢話叫我陪佢番屋企= =！但佢

見我行路好辛苦，所以都冇要我陪到佢！

　　唉．．．．．．今日好似完全同王曉欣生日冇關係，好似普通去玩咁，自己燒野食，自己玩！

　　唉．．．．．．今日重傷呀！對腳因為一早去到係到踢波，搞到對腳傷晒，跛下跛下咁，行步路都痛，所以後尾

落到沙灘，乜都冇玩過，全程坐係到，好似陳立維話齊──傷殘人士="=！跟住早上又揪炭，中午又係到起爐，搞到

隻手累超，食野果陣，隻手係咁係到震，連番到屋企打日記果陣都狂係到震！真係唔認自己係傷殘人士都唔得呀！

　　今日落到去沙灘果陣，因為口快快，搞到講左句好唔應該同埋唔係出自內心所講既野，唔知佢聽唔聽到= =！