ｃａｍｐ１：

　　今日９點幾就起身，跟住整完ｄ野，就同杰去銀座集合。我同杰係最早到既，見冇乜人，就鼠左入機鋪打機，但

打左１分鐘就出番去，因為佢地係到望住晒，唔好意思。等左冇幾耐，就齊人啦，跟住坐巴士去東涌食ｌｕｎｃｈ！

　　一去到東涌，成班人就去左ｍ記到食野，食完野，就去左百佳到買杯面！因為果到間百佳太大啦，行左好耐先買

齊ｄ野。買完野，又坐巴士去梅窩。經過良久既車程，我到終於到啦，不過ｄ環境比想像中差。一去到，就搵間屋係

邊，點知個老闆娘唔小心將我地訂果間屋租左俾人，搞到要搵過第間俾我地，迫使我地唔可以住埋同一間屋，要分開

３間住，不過好彩唔係離好遠！一入到屋，我地即刻除晒ｄ野，係到涼冷氣，因為實在太熱啦，頂唔順！

　　放低野之後，我地就係到睇電視同係門外面踢下波，玩玩下，就去左附近個海灘玩，但個海灘最骯髒啦，我地都

係到玩水，冇游過，黎金同臭斌重玩到打起上黎，哈∼∼∼到左夜晚，呀ｓｉｒ話出去外面間餐廳食ｄｉｎｎｅｒ，

不過ｄ野食都唔係路既，平時係外面２ｘ蚊就食到既野，呢到竟然４ｘ蚊，所以我地幾個就決定唔食，番去食杯面，

但有好多人就咁白白將ｄ錢掉入盬水海。我地一邊食一邊睇波，ｄ　ｆｅｅｌ都唔錯！食飽左之後，我地就係外面踩

單車同係到玩，玩到成身濕晒，跟住就去沖涼，點知沖涼果陣唔小心整損手，搞到流左好多血。玩到３點幾果陣，佢

地話去海灘果邊睇日出，點知去到先知搵笨，因為太陽係身後面出黎，睇鬼睇馬咩＝　＝！跟住又番番去屋企果到，

本來諗住通頂，但最後都係捱唔住，個個都訓晒！

ｃａｍｐ２：

　　因為尋晚太夜訓，所以今日訓到１２點幾。起身之後就食杯面，跟住呀ｓｉｒ話夜晚ｂｂｑ，但因為好多人都唔

想燒，所以搞到燒唔成，跟住我地有ｄ人就決定打邊爐，冇幾耐，佢地就出左去買料。佢地去左買料之後，我同杰重

有細粒仔就係外面踢波，但好不幸，我唔小心整損左隻腳，呢次整親，係我踢咁耐波以黎，最傷既一次，流既血不繼

其數，ｄ血不停咁流，到夜晚訓果陣都重少少少少咁流。到左７點幾果陣，佢地買晒料番黎，我就係到幫手清洗ｄ材

料，成個家務助理咁，洗左成半個幾鐘。洗完野之後，就開始打啦，成十幾個人圍住張好細既台，好似餓鬼投胎咁，

個個係咁掙，真係手快有，手慢冇！食完野之後，我地就係到玩，鄭瑜婷無啦啦落左黎幫我地洗野，真係唔該晒！

　　玩到３點幾果陣，我地就將頭先打邊爐收起果兩包餃子拎出黎煮，冇幾耐就食得，ｄ味道一流，食到我地流晒口

水，食完野，又係到睇佢地打馬吊，打左陣，又番左去訓！

ｃａｍｐ３：

　　今日訓到９點幾起身，起左身就係到汁野，準備走！走之前，我地係屋外面影左張相留念！影完相，就坐車走

啦，番到東涌，我地轉坐地鐵走，跟住同劉ｓｉｒ佢地分道揚鑣，坐車之前，成班人入左去ｍ記到買雪糕食！本來諗

住同佢地去元朗食自助餐，但行左好耐都搵唔到，所以我同杰就走左先，番去頌宙到食咖哩餐，食完野就番屋企！

　　番到屋企第一時間拎晒ｄ污遭衫出黎洗，跟住就係到打機，打到夜晚１２點，跟睇埋【尋秦記】就訓啦

　　總括黎講，呢３日既班會ｃａｍｐ都算好玩啦，留下左唔少美好既回億，但亦都洗下左唔少血= =！