尋日早上１２點幾起左身，同細佬出上水同班ｆｄ　ＢＢＱ！本來完定去黃金海岸，點知後尾改左去陳弦御屋企

燒！２點幾就由上水搭小巴去大埔，等小巴果陣曬到差ｄ死！陳弦御屋企比想像中靚，一ｄ都唔似村屋，成間別墅

咁，同我以前間舊屋簡直差天共地呀！一起到成班人係到傾計同鋤ｄｅｅ，玩到５點幾果陣先起爐！班女仔好似皇帝

咁，坐係到打麻雀，乜都唔洗做。起完爐，我地就係到狂燒野食，但班女仔重坐係到玩，真係百思不得其解！到我地

差唔多個個食飽，ｄ女仔先燒！我地就係到鋤ｄｅｅ同打麻雀！我終於有ｄ識打麻雀啦，最起馬識得食雞糊，哈哈！

　　燒完野食就係到汁野，點知無啦啦俾個鐵咀雞係咁叼，超低ｂ，係到賴三賴四！經過一輪又洗又刷，終於杠　番

乾淨個天台，跟住７就走人，成班男仔去大埔玩！去到大埔差唔多咩都關晒門，諗住一班人去網吧打機，點知得我同

孫文重有細佬去，佢地其他人去左晒ｍ記食野同吹水。入到網吧重要冇巨商玩，係到玩ｃｓ，孫文最失望= =！

　　打完機就去ｍ記搵佢地，跟住就行路去太和火車站，再坐火車去粉嶺，慢步行番上水，而且重要兜路行= =！，

番到上水果陣，落左小學門口玩下，夜深人靜，又加埋冇燈，都幾恐怖下停番左陣，就去左係籃球場鋤陣ｄｅｅ，歇

下，點知天公不做美，落雨，搞到不歡天散，唯有去ｏｋ歇啦！去到ｏｋ飲左ｄ野，跟住又俾人捉住黎影相，好彩掩

住左，影唔到，但最後俾聰黎一招零空１８０度轉身，影左個奸笑中既樣，好無奈！經過一輪既偷拍後就番屋企啦，

坐巴士前同細佬一人買左碗炒面係巴士上面食！

　　今日個ＢＢＱ都算ＯＫ啦，不過都係唔吸黃金海岸好玩，傑不停係到埋怨，ＯＨ．．．．．