今日１１點幾同杰去左影相，跟住又同杰重有黎金去剪頭髮，３個人剪完都好唔滿意，個個都剪到好短，我剪到

好似薯頭咁= =！剪完頭髮就去天澤商場，又叫埋細粒仔出黎，４個人去惠康買零食上細粒仔屋企玩！

　　上到佢屋企玩左陣，冇幾耐，所以人都黎晒，跟住就開野食，個個都食到好飽，食完野就係到玩！玩到下晝６點

幾，細粒仔呀爸呀媽番左黎，重帶埋壽司番黎請大家食，個個都食到津津有味，飛機同林詠儀重有呀ｓａｍ係到挑戰

辣辣壽司，３個人都食到流晒眼水，哈哈！食完美味既壽司，又係到玩，玩左冇幾耐就食蛋糕，呀ｓａｍ彈琴，我地

唱生日歌！

　　食完蛋糕之後，成班男仔就上左天恆天台踢波，都幾好玩下，不過我又整傷之前去ｃａｍｐ果個傷口，又流左好

多血= =！

　　踢完波就番屋企，番到屋企整完個傷口，沖完涼就抄功課，抄完功課就汁房，跟住訓覺！