今朝唔想起身返學o既感覺......好累丫~~~~~~~~~~~~
琴晚傾電話傾到咁夜,今日好似唔想起身咁,不過我6點起左身,比平時遲左
我琴晚應承左阿生我會無時無刻比SMS比佢知我做緊咩,所以出門口開始就拎住電話
到左7:15出門口去OK買野食,跟住去巴士站見到幾個男同學,之後一齊搭車
我地坐系上層巴士o既最後果排,坐滿晒
返到學校......
落車行去學校,到門口果陣,我先記得今日開始要用八達通拍卡點名
上左班房放低個袋,之後拎生日禮物比阿妹,冇幾耐就集隊啦~
班主任堂唔知點解我發呆,班主任堂過後兩堂考中文
唉......考緊都知我唔合格架啦,因為份卷對我黎講好難
考完啦~放小息,我去左小食部買雞翼、魚蛋同朱古力牛奶
我覺得嘉寶好似跟住我咁,系我買完之後佢係我o既下一個
上年因為我拒絕同佢一齊之後見到對方都冇傾計,連打招呼都冇,只係直行直過
之前佢對我唔比機會佢,又話我冷酷,今年佢係中六o既理科生~
今日我食緊野果陣,佢包撈麵開唔到,而且佢仲企係我隔離,距離好近
見到佢咁唯有出手相助,費事佢到打鐘食唔到,幫佢拆開之後當然有講唔該啦
不過佢唔敢同我同台,佢自己去左另一張台食
我食完後就走,但係唔知點解佢又係我後面,
我腳步盡量行快D,佢行多幾步就超越,根本唔夠佢快,之後我入左廁所隔左一陣我先慢慢行返課室
之後上兩堂數學,老師同我地溫習,不過好少人聽
唉......真係超悶,一堂系到睇圖書,一堂就訓教,唉......好累丫 = ="
我又放小息,不過呀生放學嚕,真係正~
之後上兩堂設計與科技後放食飯,我一行出門口就同呀生傾電話
行去M記又咁多人,行去洒樓買飯又係一樣,之後唔食嚕~去左惠康買糖蛋糕
行入學校門口比Miss見到我帶野上班房,佢趕我落小食部,不過我行操場上課室都得
同佢傾到打鐘先收線,之後兩堂中文,竟然咁快派返今朝考o既中文卷
唉......100分滿分,我拎28分,都話唔合格架啦~
放學後......
放學去左藍田買鞋,之後返屋企,沖涼洗頭煮鈑炒菜食飯洗碗掉垃圾
當我做完行入房諗住坐一陣就開始功課
突然......
突然收到呀生SMS,睇完後唔會比佢嚇親,反而令我感動,
雖然識左唔係好耐,不過佢感覺到我好辛苦,仲有種感覺就係想照顧我
不過點都好都好多謝佢~
開電腦聽歌,同呀生玩MSN,不過我感覺到佢好似有D唔開心
之後10點幾訓左落床諗下野,聽下歌咁就訓左啦!
|
