唉......今日搭車溫左一陣商業
今日班主任病左冇返,第一二堂系測數學,對我黎講好鬼難,空左兩版冇做
小息之後又係兩堂數學,點知激親Miss,因為我地好吵,Miss叫安靜又唔聽
最後,第一堂都未過Miss就叫我地自己自修,唔教書
自己自修唔代表可以繼續吵,不過我地係咁吵
所以激到Miss最後罰我地全班企,企到小息
小息果陣,隔離班阿坤話我聽我阿妹比人蝦
不過我隔離班有朋友幫阿妹,所以我都放心D
希望我阿妹可以改變一下自己,唔好咁串,唔好咁曳
最重要係讀得開心,學得輕鬆
唉...我阿妹返學到依家,我聽過好多人話佢好串,同我差好遠
我都唔知點解一D都唔似我
小息之後係兩堂中文,因為班主任病左冇返,所以又冇上堂
不過第一堂做工作紙,第二堂我就訓左
到左放午飯繼續訓冇食野,不過呀生打電話比我,傾到上堂
之後兩堂體育玩鐵餅同標槍,都ok 好玩 la~ 不過唔鐘意玩鐵餅
放學去測商業,朝早撘車溫左陣就冇再溫過
所以我都唔係好識,仲有D胃痛,做左半個鐘就訓左
5點幾收卷走人,我出到學校門口就開始同阿生傾電話
我一邊傾一邊行去書局,又行去買D野食
就黎6點上車返屋企買魚煮飯,到左屋企樓下先同阿生收線
今晚開MSN見到賀卓,傾左一陣,佢竟然比佢xanga我,我真係估唔到,都ok開心架
賀卓 你點解突然會比你xanga我呢?
雖然我唔知,不過都多謝你啦! 好開心可以睇你xanga
之後收到呀生比我o既訊息,次次都係令到我好感動,不過點都好啦~都好多謝佢
呀生 多謝你對我咁好
我會記得你默默支持我,尊重我
之後又同羽仔傾msn,其實我覺得次次都係我令佢咁唔開心,傷左佢
我卻扮唔知,只好心知,不過我好開心識到佢咁好o既人
羽仔 對唔住丫!
我都好多謝你對我咁好~我唔想你受到傷.........
希望你可以放低所有野,專心讀書,返黎先見,有緣必定有再見
今晚11點幾沖完涼訓教
|
