今日係學校一年一度o既陸運會,所以要早D出門去到九龍灣運動場

不過阿妹要我返轉頭返屋企拎我個書包比佢用

所以去到運動場遲左少少

之後我去換運動服,我乾早參加標槍,不過失敗左

跟住到公開賽800米,有20個人跑,我排第五

用左3:48:65跑完800米,同第一名差15秒

距離好近,不過我冇氣力追

中午12:30放一個鐘食飯,同五個女仔去食m記

跟住中午參加左跨欄,我係跨得過架

不過跨到第三個欄就傾跌左,整個人好似超人變身o既姿態扑左落地

跌低左我聽到看台上好多人大聲叫我名

雖然我跌親左,亦都知我唔會有機會贏,但係我都堅持企起身忍住跨埋其他欄繼續跑到終點

跑完後,見到我兩個膝頭同兩隻手肘流緊血,慢慢行去治療房

最嚴重原來係我,老師話我傷成咁都繼續跑,我好忍得

換左係其他人跌親就唔會繼續跑落去

幫用消毒藥水消毒我傷口,真係好痛,我忍唔住都流眼淚

之後慢慢上去看台,D人問我有冇事,我都笑住話冇事,其實係.......好痛

D人問我傷成咁都可以笑得出,我話我冇事,其實係........苦笑

到放學我坐左係一邊send sms比羽仔話我跌親

佢問我痛唔痛,我都話唔痛,話我冇事,其實果陣一邊喊一邊話唔痛,其實係.......好痛

呀生打比我我都一樣話我冇事,不過佢知我喊,所以佢知我好痛不過我唔講

今日返到屋企,阿爸冇鬧我,仲幫我搞傷口,一搞到傷口又喊,真係忍唔到

上左msn 羽仔同呀生同時同我傾計

如果比羽仔見到我咁樣就慘,唔想佢見到我咁痛苦

跟住收到阿妺sms,佢話比佢阿媽知我跌親,佢阿媽同佢講希望我快D跌死,咁狠毒

我又喊啦~唔係因為佢咒我死,咒我死唔緊要,咪試下咒我死囉~我唔怕

我喊係因為佢打我阿妹,又鬧佢,又嬲我細佬鐘意我,佢地對佢養母都好慘

今晚傷左唔可以沖涼,好痛丫~

11點左右上床訓