好痛丫......
今日4點幾醒,因為好痛丫,要注意點樣訓,蓋被又唔得
琴晚初初訓落床都喊,要慢慢訓落,好辛苦
似廢人一個......
不過今日都訓到7點起身,起身又喊
腳郁唔到,手都勉強郁到,所以用手抬腳落床,慢慢扶著周圍行去廁所刷牙
坐又慢慢坐落去,企又慢慢企起身,行又慢慢行,真係好辛苦
成個好似傷殘人士咁
之後坐系電腦都要忍住我o既痛
對呀生講o既話......
on msm見到呀生琴晚留比我o既留言,仲更加默默流淚
我同D男仔一齊係因為係朋友,朋友有男有女,有邊個會係冇異性o既朋友呢?
我的確有D野冇講比你聽,但係我亦都冇講比其他男仔知
只會收埋系我o既心,所以自己鬱住自己知,連阿爸我都唔會講
我覺得冇人可以感受到我o既心,講出黎只會令多一個人傷心
自己心事自己知,自己痛苦等我自己承受,開唔開心都系其他人面前微笑
點解呀生同其他人一樣話我D野唔講比佢地聽呢?
希望呀生唔好誤會,因為個個我都唔會講我D野,所以個個都唔知
至於尼排你我少左同講我ge野,唔代表我對你心淡,只係少左傾電話姐
你睇完我個BLOG都唔開心,其實個個都係咁
雖然我地未開始,但係你咁樣都正常,因為你緊張我先會咁
你只係鐘意一個人O既某一點,咁係叫做「喜歡」,唔係「愛」
「愛」係鐘意一個人O既優點,亦都包容佢O既缺點
本來我都分唔清「喜歡」同「愛」,前幾日睇書先知
不過竟然你話算,咁就算啦!因為我比唔到你開心,反而令你咁唔開心,唔想再比你傷心
所以你想點就點啦!唔晒理我會點,我唔會話你忍心,只要你活得開心、快樂,對我黎講己經滿足
比咁多唔開心o既野你,真係對唔住丫~
其實你好好,係我唔好又冇用,唔值得任何人愛我
就算我地一齊左都唔會後悔,因為每次拍拖我都冇後悔過
次次消毒傷口,茶藥都忍住......
岩岩9點幾阿爸起身又幫我荼藥,哇......好痛,不過我忍住
突然諗到自己好冇用,搞到阿爸咁唔得閒
失憶就好......
諗起琴晚同羽仔講我整親個腦就好,患長期失憶症
咩都唔記得,連自己係邊個,系邊到都唔記得
佢問我有D咩可以記得,我話咩野都冇,以前一直都想有失憶症o既我,依家都一樣冇變
今日睇完呀生同我講D野後,雖然我喊,更加對我想有失憶更深
聽尼首歌,我會......
http://hk.youtube.com/watch?v=ZpolMtT9ZoU&feature=related
他不准我哭
作曲：陳輝陽@好好笑
填詞：李峻一
編曲：Gary Chan
誰說分手都應該歡天喜地
就好比 過了愉快的假期
誰說要我趕快學會凡事也看輕
淚水假使污穢了眼影 哪位可處理
＃他不准我哭 怎麼可以哭
分手都要有一臉笑容
淚水忍得到 方可進步 變作石頭粗糙
他不准我哭 怎麼可再哭
不想他抱歉和別人抱
心知肚明他想我好 堅忍卓絕可鍛煉到
如日後被別個拋棄亦捱到(不痛)＃
誰說分手都不應呼天搶地
若相戀 到了絕症的晚期
誰說 再重的愛亦較門外雪更輕
淚水假使淹蓋了眼睛 哪位可處理
ＲEPEAT＃
如果哀傷都也可伴隨眼淚點點滴去
我抱著頭肆意失聲痛哭 難道有罪
真的想哭 真的想哭 分手怎會一臉笑容
淚水忍得到 即使進步 也似石頭粗糙
真不想哭 真不想哭 他怎可以和別人抱
心知肚明他想我好 堅忍卓絕可鍛煉到
如日後被別個拋棄亦捱到
如日後被別個拋棄亦不痛
尼首歌係之前之前o既男朋友比我,每次聽到都會哭
仲記得同佢分手果日不停重複再聽,依加間中都會聽
晨早流流就喊,真係冇鬼用
堅強.脆弱.只差一線......
見到呀生on MSM果陣仲喊緊,原來我有堅強,亦都有脆弱o既時候
跟住同呀生玩熱舞街,傾計
點知羽仔打比我,我冇聽,因為喊緊又點聽呢?比佢聽到我喊就唔係幾好
所以我繼續同呀生玩熱舞街,傾計
佢走啦......
羽仔打比我,我冇聽,佢就留SMS比我
話我聽佢要上珠海,叫我安心養傷,前幾日已經講左佢要上珠海,但係我唔記得左
佢臨走都要打比個電話我,咁有記性仲記得我
我之後覆佢,叫佢安心上珠海,同佢講我冇事
費時佢上到去都因為我而咁擔心,希望佢可以專注去做野
冇返學......
之後呀生佢走,佢約左人去食野,晏D又去跑步
今日本來要去讀美容,不過我受左傷返唔到
最後留係屋企睇報紙,3點幾訓教,都要慢慢扶住周圍先訓得落床
細佬妹.黎唔到唔緊要LA......
阿妺本來想帶我細佬黎我屋企睇我,最後唔黎
因為佢外婆會報串比我養母聽
費時我細佬妺又比佢阿媽又打又鬧,所以黎唔到唔緊要
今晚......
今日訓到6點半到,起身食飯,阿爸煮
食完又唔晒我洗碗,,阿爸怕我郁親手o既傷口
之後阿爸又落街買崩帶幫我包紮
究竟呀生你諗D咩?我唔明
我食飽飯就on msn,同阿貓傾計
傾左陣又換左佢朋友同我傾
點解佢會以為我同貓仔有野架?
跟住呀生on MSN同我傾計
|
