今日5點醒左,不過個頭好痛,系張床滾黎滾去

到5點半先起身刷牙

之後開電腦on MSM見到呀生以我O既留言

我好傻,不可停止既流淚又開始

呀生:

唔緊要丫~你唔晒覺得對我唔住架~唔晒理我會點

你又唔係好衰,你其實好好架啦!

只要你唔係扼我,......唔係就得架啦!

竟然你係為左唔想個女仔為左你而傷害自己,你又迫於無奈同佢一齊,咁就算你啦!

竟然你同佢一齊,咁就要去照顧佢,去愛護佢,要成日陪住佢

 好才我琴日冇打電話比你,如果唔係...就死得!

無論點都好,我識到你都好開心,以後......我地最基本都會係好朋友

好多謝你個心依然仲愛我

我都知你咁樣o既抉擇,你都好慘

點都好,你唔好喊,開心D~

 今日落左車行返學校呀生打電話比我,不過講唔夠兩句就收線

可能係我有問題啦

尼兩日都好多人幫我,因為我受傷,又幫我拎書,又借衫比我,仲知好多

平日都有,不過係比平日多左,好多謝佢地

今日終於可以去集隊啦!不過就係我班唔可以上班房

因為全班都要檢查校服頭髮,又比人捉

今日班主任堂派左我去校際中文朗誦比賽o既通告

內容包括地點、時間、日期

原來參加比賽D人個個出賽日期都唔同架~

坐我後面o既紫晴都幾慘,佢出賽日期就係19號,亦都係學校旅行.好係慘~

今日英文堂已經開始聽聆聽啦!個個都好乖聽

我都係....,哈哈~因為手暫時受左傷唔可以放系桌子當枕頭枕住訓啦!

雖然想訓都要撐住,不過英文堂坐我隔離o既誠誠見我咁想訓

佢同我講下笑,傾下計,叫我一齊專心聽聆聽,令我唔晒撐得咁辛苦

小息要去練習朗誦,班主任係教我地中文科,佢話我太細聲喎~又話我讀得有D平淡,欠缺感情

唉......今次因為班主任逼我參加,亦都係我第一次,如果我有得選擇,一定唔參加

依家對住班主任一個人都唔掂,好難想像我上到台對住台下咁多人會點

今個小息就係練尼D,班主任叫我地返屋企背晒兩首,到比賽果日兩首都要

唉......真係拎我命咩~對我黎講尼D比賽好鬼難丫~

中文堂我冇帶書丫~因為開學咁耐都唔晒用,所以唔記得左帶

不過馬車佢有影印左班主任教果課o既內容,佢有書所以比佢影印果份比我

班主任話我係第一次冇帶書,所以唔晒我罰抄

我覺得班主任見我受左傷,所以唔晒我罰抄

跟住羽仔比SMS我,我就知佢睇完我個Blog啦~

不過我唔可以即刻覆佢,因為我坐課室正中,好難會做D犯規o既野

中午放食飯,D朋友叫我想食咩,話幫我買

不過我唔食啦~尼幾日都戒口

辣野、蛋類、朱古力、牛肉、海鮮、有豉油o既野都唔可以食

所以就自己系課室回覆羽仔sms,之後做會計功課

做完落大門口同個樣超似陳冠希o既學生會主席買14號歌唱比賽入場票

因為琴日應承左佳志我會入場睇佢唱歌,就算應唔應承我都會買

上年歌唱比賽我都有去睇

之後體育堂又上唔到,足足坐左兩堂,不過睇佢地上堂都好開心

放學去搵阿sir拎設計與科技o既測驗卷,得60分

即時改正比返阿sir

搭車返屋企去買護膚品,呀生打比我(說話內容保密),傾到屋企樓下

今日阿爸又同我吵,連食飯我都超快食完入房一路做中文詞語一路聽歌

冇心情開電腦玩,做完9點就訓左落床訓教