琴晚好訓,呀生比sms我都唔知
零晨3點幾醒左先覆佢
今日5點幾到起身,開左一陣電腦
7點幾就去買早餐之後去己士站見到幾個男同學
一齊左上層,不過我自己左開左
阿妺打比我之後就呀生打比我
到落車幾個男同學問我同邊個傾計,仲話我講野係好似同男朋友傾計
逼我講我男朋友係邊個,真係無奈~
可能佢地以為我男朋友系學校裏面其中一個,諗住返學校又搞鬼
今日班主任堂宣佈壞消息同好消息
壞消息:琴日下午校五個男仔爬窗入左我地班房,一個爬窗,一個睇水,爬窗果個入左後開門又開燈
事後我班主任連同幾個阿sir入去,原來D人食煙,學校睇返閉路電視調查事件
證實係有咁o既事,同埋前幾日系我地班房發現有煙頭都係下午校D人.
所以班主任已經發現左我地班人偷放書系櫃筒,話有放書系櫃筒o既企起身
我係其中一個,我認所以企起身,最後鬧左一餐
仲罰我地中午1點9全部系教員室門口罰企
不過都叫我地檢查一下有冇唔見野
好消息:星期一會換晒有銷o既櫃筒,叫我地星期一帶個銷頭
因為咁,所以今日同聽日分批清櫃筒D野
小息班上幾個男同學叫我兩隻手幫佢地拎張紙,比佢地劈爛張紙
不過有個男同學叫我唔好,話佢地抽我水,話佢地劈果陣隻手會.................
車......之後我比返佢地,唔幫佢地,不過佢地玩下姐,應該唔會係真
之後兩堂中四同中五落禮堂聽講座--------青年就業起點《MBTI-16種性格學》
中午同D同學去小食部食野,之後睇足球比賽5B班v7S班,希望5B會嬴
睇左一陣,去左罰企,阿媽、呀生打比我,我都唔可以聽
到足球比賽最後關頭,我都趕住去睇
最後5B班輸左,見到佢地個樣好喪氣,我都不禁流眼淚
D同學問我點解因為5B班咁樣,我會喊?
我希望佢地唔好咁啦!盡左努力已經好好架啦~!
我會繼續支持5B班O既你地~!
放學啦!清櫃筒D書好重丫~仲有一D仲系學校添
上左車就同呀生傾電話,傾到落車就收線
返到屋企做功課,同呀生傾電話,又同阿妹SMS
之後就冇傾,阿爸幫我整傷口
今晚食飯阿爸又吵,好煩丫~
食完飯做功課,開電腦 ON MSN同羽仔傾計
之後呀生上左線,佢又嬲我落左線,可能係我錯啦~
之後阿爸落樓下接客人,叫我幫佢沖定茶
佢地上左屋企又叫我去買酒同花生
去買又忍唔住買左朱古力食
返到屋企繼續同羽仔傾計
熱舞街又入唔到,11點到訓教
|
