祝世界上每個人都平平安安

擁有愛的心,獻給愛的人

今日係24號平安日啦~

朝早阿妹同我講

:「之前你同輝輝哥哥係過左情人節後幾日就散左,今次你同生生哥哥就係聖誕節咩,

就算唔係聖誕節後幾日散,我保你3個月都冇就散啦~可能唔止丫~我諗1個月就散嚕~

到時你唔好好似同輝輝哥哥分手之後成日喊.唉.......我睇你真係慘.」

晨早流流就咁講,我都冇咩好講,只係.........對阿妺微微咁笑

今日同丫生一齊系九龍灣

食野,周圍行下

之後下晝撘巴士過尖沙咀

原來去到邊都係「人生路不熟」

同丫生一齊好開心架~

今年聖誕系尖沙咀夜晚D燈飾同平年一樣閃著燦爛o既光芒

當然係冇咩好特別啦~

不過有一樣唔同o既就係同丫生一齊過聖誕丫嘛~

所以尖沙咀D燈飾今年特別靚,特別光,特別閃,哈哈.......

今晚返到屋企已經11點幾啦~好攰.......

沖涼後就訓啦~聽日仲要返工

諗起上年聖誕仲係同嘉輝一齊

不過都係留系屋企訓教,同佢傾電話

果陣其實已經覺得好好啦~

唔知今年佢點過聖誕呢?