肥迪好可愛-v-

-----------------------------------

今日真係忙到@@

有幾樣.(我強烈希望肥迪睇曬@@)

第一:校運

第三.小學

打得長唔好怪我@@

今日同肥迪一哥好有緣@@

----------------------------

今日返到去...又係集隊...

好彩今年有運動員代表..

如果唔係就要"逼"樓梯上看台@@

落到去場...笑到我...個地又濕...天氣又凍..

D人係咁仆-.-

算...都話有長杉..

之後集隊....去到D人上看台...

睇到D人狂逼樓梯...我真係興幸我唔洗@@

到進場...又係班童軍樣衰左-0-

未開始就喊命令...已經出左去...柒左XD

NEXT.校長致詞...當佢開始講野...(尤其係句:我地唔會比惡x天氣影響)

有冇人發現..

個天出緊太陽-.-(神蹟)

一講完..太陽又潛水...

好.到最後鳴槍禮...

當我地全部set完

校長居然問人:我幾時開槍(我笑左...)

未到3秒..勁大聲-.-(係我耳邊爆囉-.-)

之後就跑...笑膠我...hea到爆xd

上返看台,又係坐...

11點...水火箭召集...落曬去hea...

落到去玩@@(副校照住我地..點玩都冇事xd)

11點30分..係人地被訓導ge時候..我地又開餐左...

雖然有人樣衰衰地冇飯開...

12.15分.當學生走曬..就係我地放火...箭ge時候...

正呀..放到d火箭去到人地啦啦隊到(爆頭囉xd)

到返下午...終於有我ge賽事

一百欄...有財佬係度..我都唔會太大希望拎金牌...

不過起碼唔會包艇先@@

係度要多謝一哥幫手做苦力ge...

你星期一搵返喔...我會幫返你

第一次...我試欄果陣已經抽筋..

我都係死頂落去..

那那...其實我根本冇拉到....所以老抽係正常@@

好那...真係開始跑啦...我應該第二個欄之後開始帶出

去到最後一個欄...真係生抽啦-.-

拉左下...又係落地唔穩...不過起碼叫由頭帶到尾xd

之後我懷疑自己會foul...miss話放我一馬...冇事..

到第二組...財佬...勁..帶到尾...破紀錄...14.6(紀錄15秒幾)

我應該都有個銀啦掛@@

見到第二組條友..誇張到-.-

佢開始之後就跌低...

去到終點(我都唔知佢點去到-.-)

就跌係地下...大叫-.-(我都老抽姐-.-)

死下死下咁...你未斷骨就唔好咁大聲啦....

之後真係開始抽筋-.-

未到半小時...社4x100又召集..

無奈地又要逼住上場....

仲抽緊...

總之最後冇樣衰到(跑跑下跌低先樣衰xd)

放學lu...同肥迪一哥返小學...另一幕高潮xd

--------------------------------------------------------

一哥換衣服也太慢了吧xd

居然要我等左1個hr...

成個傻仔咁等-.-

入到去...又係不祥預感-.-(我估都係勁無聊囉)

好...中段唔講...總之就係委派左個解答家長問題任務比我....

我要用三分鐘去理解曬d派位方法...(雖然我真係得0,0)

好那...

儀式開始...我估個家長都唔好意思問我...

意料之外...條友d發言真係勁到...基本上有講過ge野都會問返-.-

我變通快姐..如果唔係真係玩死....

仲要唔"了楞"都唔問....

一哥出黎之後...問題打孖黎-.-

吹漲...

直飛到盤菜宴...(又係盤菜-.-"?)

同返以前d吹水...(小圈子xd)

我地男仔就講愛情xd

女仔就唔知(邊有人會特地留意呢-.-)

傳說中ge[至八男人心]xd

笑膠我xd

晚飯完左..我地去左電視台...又係膠的時候xd

睇返上次條火炬片xd(葉sir很上鏡嘛xd)

之後一哥教玩"電視"@@

仲係禮堂"搵鬼"xd

高潮當然係----情繫花露水xd

可愛的小迪迪xd

唔知肥迪結婚播返會點呢@@

回家途中..我地吹水...真係吹到上天ge社會大事...

細至下地ge私人恩怨...

至此...本日結束...

入今日正題前...請容許我宣傳下我地l4d2小組

全名係let four dead(中文:讓4條友去死@@)

姐係一個推人做替死鬼小組XD

--------------------------------------

正題有三樣:

第一樣係評論下D人

第二樣係校運前夕

第三係放學後D膠野-.-

----------------------------------------------

先講校運前夕先...

由於聽日就係校運...

姐係今日就係前夕(廢話0,0)

今日真係多野到爆...

唔到校運都唔多野....

一次過黎N個小測...NxM個默書...

人人都忙到(我諗今日係我見過課室第二少人的日子.得3個-.-)

預祝紅社勝利...希望今年MVP係我@@

同埋希望今年班際4x100贏到....

(絕對有能力同c班爭高下@@)

----------------------------------

轉入話題二:

話說今日放學前最後活動係義工小組...

今日班友仔團結到-.-

個holder問:你地邊個有班長呀..組長呀..依D職務..

班人居然可以一起指向我..齊到你唔信-.-

於是比人"的"去第一排坐-.-.

跟手聽住N個min的"分享"

悶到嘔...最後一min.個holder叫我地合埋上眼幻想下...

我地個個訓曬...

當然包括我-.-

放學之後仲要落雨...

冒雨回家-.-

所謂的校運前夕...總是大風大浪的...XD

---------------------------------------

話題三...今日遇到最Kai的事(無名火起)

(本章將有很多要以一哥的"唔係普通人"思考法黎睇)

(如果睇到依d隱藏的句子,恭喜你...你中文能力十分高)<----這也是一個呢xd

話說放學堂的EE...由於真係悶到嘔...

所以我係咁做膠野...

儘管我做d野係幾咁膠.無聊.on居.難睇....

你都冇理由叫我繼續做...之後好似睇馬騮咁睇我

我唔係"老鳳"要做比你睇...

仲要我做比其他人睇..

就算我膠..我都唔會膠比我對佢"有好感"ge人睇...

於是你實行d破壞...

同你講.你損壞ge只係自己的人格..脾氣..

同埋得到人ge壞感覺...

得不到任何好處...

依我最多只會拾起d書...

學識到忍耐..包容...

你知唔知道點解我會叫你"女王"

因為人地幫你綁鞋帶已經好似勁低下階層咁...

你仲要成個皇太后咁...

可能你唔方便去綁..(裙ge關係)

但係你ge態度已經唔好...

唔叫你女王真係浪費...

我依次唔發火係基於我本來已經好忍得...

第二你係女仔..我唔可以真係發火鬧你..

第三.我當依個係試驗...試驗我自己ge忍耐程度...

第四.遠親不如近鄰..我對座位周圍ge人都算和詳...

故事就係咁.唔知你搵到幾多"唔係普通人"的話呢@@

係入今日正題前..

請容許我大喊:這世界太多守甜迷了吧=_=""

---------------------------------------------------------------

今日我地級終於成立個l4d2小組@@

雖然同l4d2冇咩關係...只不過我地借名用-.-

(雖話說大部分人都有玩-.-)

我地小組根本就係膠人一群-_-""

因為我地會係運動會日放火....箭

有逗號..句號..同一月六號...(都係火箭名-.-)

我地小組應該都係打算全體帶杯麵....

之後去運動場集體吃杯麵@@

期待@@

近排有單新聞真係吹漲我-.-

條友叫歐陽國富...犯強姦(詳細情況唔多記得)

巧合地撞名...有大腦都知道會發生d咩事-.-

就係比人喪笑-.-

------------------------------------------------

人死就是過去....

今日...係公公選碑ge日子

時光飛去...唔講都唔記得已經2年

媽子佢地去左紅"堪"果邊...

由於我要返學...去唔到-.-

可惜...

今日返到去...發覺唔見書...

吹漲...日日唔見野-.-

今日唔見十幾樣...

見到人人都係度趕功課真係過癮-.-

笑到我...

原來陸運會出左..

今年真係超膠-.-

跳遠...冇勁人爭..

100欄...一定出到線-.-

跳高...5個人爭三個牌...(全場得5個人玩跳高...仲要全部都唔勁XD)

下午....又係訓教的時間@@

訓左一陣就落堂...

放學有N樣野做...

英文補課..

運將(混帳)集會..

科學集會..

我先去混帳集會...

去到一半上返去英文補課...

一上到就落堂@@(笑左)

落返去作苦力...

做D膠野-.-(將你地D號碼布入袋-.-)

D人名真搞笑@@

科學集會就冇去-.-

勁夜先返到-_-...

家下...我D野又唔見左呀-.-

報告報告...周圍很多喪C...

家下打到l4d2最後一關...

不過我好似忘記了我的長篇死亡報告....

死火啦...

不過又想打埋RA3先做-.-

點算....

----------------------------

估唔到我今年係打機中度過新年的一刻-.-

仲要比人打死果種-.-

不過要先祝新年快樂...

千萬不要新年IVY就OK啦@@

不過我希望快D到2012@@

(忽然係度諗..明珠台會唔會係2012年開始就播2012呢@@...認真諷刺)

------------------------------

我份長長的功課-.-

點算好-.-