呢兩日的Sport Day真係好開心，我拎左兩金一銀呀！Shot Put贏得真係好驚險呀，我係係第3次先推到呢個數字，一額汗......嘩！我下一年唔參加800米啦，跑完之後剩返半條日命，唔死得算偷笑。400米，講真，臨尾真係無氣，輸得心服口服。社際，救命呀，我跑第1棒，......唔想講落去，總之包尾。班際好想跑呀，一生只得一次係可以代表2a跑的機會......嗚......無左，可以代表2a跑的人希望佢地享受呢場比賽，好羨慕呀！不過我知道就算我出賽，跑完返黎都唔會開心。恭喜同埋多謝幫2a自己班出賽的同學。拎到第3，你地好叻呀！雖然今次的班際我只係旁觀者，但係好開心自己係2a的一份子幫你地打氣。至於陸運會社的排名，好開心，忠社唔駛包尾(不過第3)，其實忠社同學的願望都係一樣，贏唔贏唔緊要，最緊要唔好包尾。呢兩日的陸運會，我發現左自己其實都唔係好mind分唔分社，最緊要享受當中。