今日返學o既時侯,個天D雨都幾大,可能訓得唔夠,所以有D暈暈地o既感覺,我一落樓D雨就慢慢咁大,不出五分鐘我對鞋就已經入晒水!我只可以頂硬上,返到學校,我就第一時間交封信比Miss吳,然後就勁快咁上o左班房休息,好在今日落雨,所以Roll call唔使係操場度企,如果唔係我一定暈低~~ 

       收功課時,我又發現無簽公益金張通告,而今日仲要係第一日開始記欠功課o既名T_T,好在唔係得我一個人欠~

       到放學o既時候,Miss 吳就入o左黎通知女童軍獲選o既人同派通告,竟然有我份,唉...我本來係簡紅十字會第一志願,女童軍只係第二,但女童軍獲選o既人竟然有我份!!我真係唔多想參加女童軍~~

        我都唔多明學校點解咁奇怪,我家姐間學校參加咩都唔會限人數(如紅十字會,女童軍),但係我學校就咩都限人數,咩一人一體藝個D音樂課程,我簡o左長笛,佢又無晒位,迫o左我去小提琴,而家我參加制服團體,我簡o左紅十字會,佢又迫o左我去女童軍,其實你無論有幾多個人參加,每人都係俾番咁多錢,例如紅十字會有45個人,佢每人收$500,喧每個都係要俾番$500,佢都唔會因為收多o左D人,而賺少o左,一樣係每個都係要俾番$500,咁點解要限人數喎?另外,學校叫我地參加,o麥唔係應該俾我地參加鐘意o既野咩?唉...我真係唔多想參加女童軍~