今日好似好忙咁..有3個鐘係條街度.~暖左好多...但下星期又凍返架啦!!各位要小心身體呢~~

女為悅己者容...今日終於試左早幾日買既假眼睫毛..效果好似唔多大..可能我對眼太大啦XD 等我下次買D多D閃石既..長D既先得

今日你返工返得好愁..有D擔心..但我相信你會搵到一條適合你既路..加油加油~無論你咩決定我都會無限量支持你架!!

夜晚好悶好悶..我發現夜晚睇下呢個明珠台都係一個唔錯既決定...

思思望多兩望就訓左~呵呵..雖然唔想佢太早接觸外語..但為求我唔洗晚晚用2個幾鐘哄佢訓..我都算係用心良苦啦掛XD

今晚暖左好多...係我用2張厚被既情況下...再加上暖暖既感覺..好快攬住思思同眠左LU..

12點責醒..MISS左你既電話..唉丫..我唔應該訓架..不過都冇計啦..唔係可以點..唯有聽日再去等你既電話啦~

心情調整完畢..係我心入面我同你從來都冇結束過

用另一種心境去接受呢一切.

今日冇再喊...個人輕鬆左..

到底係咩心境..咪就係當你去左工幹囉XD

我知你愛我會掛住我..而我同樣都係.

今日好似平時咁同你SMS..少左往日既甜蜜..

但多左一份安心同穩定

或許係我心入面我同你既感情..已經去到另一個階段..

唔知..幾時到你呢~時間長或短已經唔緊要..

因為我無論幾耐我都會等..

磨合期既痛苦..的確唔係每對戀人都可以捱過..

我渡過左啦...唔知..各位又幾時到你地呢...要加油丫..

傑..多謝你呢排比我呻...我真係舒服好多...唔會再喊架啦..

我亦都會好好照顧自己..因為我要KEEP好自己先可以等到佢

我都希望你都可以等到.~

各自為大家既戀愛努力~加油加油~互相扶持!!

今日約左你出黎...無論結果係點..我都只係希望有個好既結束..

覺得無論點都應該有個結果..

做左好耐好耐既心理調整..要係你面前堅強..忍住..令你安心..

但當你再拖住我隻手既時候..我已經忍唔住...

唔敢望住你..好怕比你知道我喊..

到左目的地..一直搵野分散自己既心情..係咁執..係咁搵..

最後再冇借口..忍唔住攬住你喊

我一直都問自己點解...係咪我做得唔夠好..令你有呢個決定

當我更肯定你冇變心既時候..我真係好開心..

時間過得好快..你話要返屋企食飯

我陪你去車站送你上車...為既只係想有更多時間陪住你

我好想親口問你..可唔可以唔好唔要我..

但我真係唔想比到壓力你..因為我知你唔想我喊..

如果一個唔如意既答案..我一定忍唔住..

變相咪迫你去選擇返我...

到你上左車..我先敢係SMS問..

我冇選擇搭車..選擇係西灣河行返去..

好慢好慢..條街好凍..但我冇後悔點解要去行

我須要呢段短短既路程去調整我既心情..

我唔想返到去喊...嚇親思思..

返到屋企..同你MSN..

無錯..我會尊重你既決定..

同時我都尊重我既決定..我會去等到你調整完你既心情

再重新我地既感情.

無錯..你的確冇咩好..但你卻係我同思思唯一認定既一個

再續:

今日化妝上庭...d化妝品一掂到眼既周圍...好痛好痛..

對眼睇野矇左好多...好辛苦..

諗左好多好多野...如果佢係愛你..見到你咁樣..佢會好心痛..

但佢已經唔愛你...見到只會心涼..

眼淚已經控制得到....每一次失控既時候.眼淚都會拿住我雙眼既傷口..好痛

但依然不及你傷害我咁痛...

今日全日望住個電話...係咪又收唔到呢..係咪個電話壞左呢..

將個電話不停重開機不停重開機..

時間越夜...果種失落感越黎越大..我再等唔到你既SMS.

12點..已經上左床..展轉反側..我連自己點訓我都唔知...

零晨3點幾...我責醒左..瘋狂咁搵電話....想睇下我有冇MISS左你既訊息..

希望依然落空..開電腦..見到你MSN曾經SEND過黎既訊息

無錯..我終於等到啦...睇完之後..我又再失控..眼淚不停咁流

你唔想咁自私...但你知唔知你唔理我既感受離開先係最自私

呢個BLOG仲應唔應該寫落去...我都唔知

本來呢個BLOG既目的係用黎記起同你開心快樂既日子

但依家仲寫黎做咩...我唔知..或許藉由呢一點可以搵少許既精神寄託

有FD話..搵過個囉...世上男子如此多..何必獨愛他一個

仔死仔還在嘛...佢走得瀟洒你咪洒脫D囉

佢值得你流咁多眼淚咩

小玲你以前都唔係咁架..為咩一個男人攪到你咁!?

真係唔好再比呢D難題我..我都解釋唔到.

佢守唔到佢既承諾..唔緊要..但我會守住我既承諾

非君不嫁..

明知永遠唔會實現..點解仲要去等..你係咪真係傻左...!?

當我真係傻左...因為佢話過..傻既人先會得到幸福

如果我傻落去..佢會回頭..仲有咩所謂呢