星期六既比賽雖然輸咗

失望一定係有 但我依然好中意打乒乓球

輸既感覺都已經習慣咗

可能係輸得多呱 哈哈

我依家想既係係下一個比賽做好D

我好惱呀爸呀媽吾比錢我去學波

話要讀書

等第日自己大個搵到錢自己去學

第日就冇意思啦

有好多野係個一刻先之重要

到我大個 就算有錢

都吾可以打學界 打恆生 打青少年......

點解人哋D父母咁支持個仔去打波

成曰都話打波冇用...

唉

昨日家長日 派咗成績表

MISS kam話我讀得幾好

keep住既可以去勁既班

但係我一D都吾係咁諗

入果D班 勁辛苦 好大壓力

最憎既就係一味掛住成績既同學

開口埋口就問人幾多分

雖然我係留級 但咁啱我識到個咁既人

我只係想過一個好愉快既中學生活

吾多功課 有時間做自己野

又吾洗成日小測...

尚餘3日

考試就完

我覺得最難受既就係

考試開頭同臨考完之前

平時返學都係 星期1、2

仲懷念緊過去既6、日假期

星期4開始計劃嚟緊既星期6、日做咩好

星期5已經培養好放假既心情lu...哈哈

得返個星期3係認認真真做野

今日得7度咋 好凍呀

係山度講野 係咁噴白煙

好正 如果落埋雪就好啦

6月果陣仁愛堂有一個計劃

寫一份有關環保既計劃書

之後仲要推行

如果做得好就可以有機會去南極考察18日

南極喎 有幾多人可以去得到呀?

我好後悔果陣時冇參加

博下都好姐...T.T

前幾日睇到報紙 有一遍係講哩個考察團

D人既感想話好正

坐吓破冰船 又可以登上冰塊

嚟D體驗好難有

仲要依家話全球暖化 冰溶得勁快

第日有錢都去吾到

馬爾代夫都下沉緊...唉

越諗越傷心呀...