今日去左聽會考應試技巧及策略講座，本來係12:50係深水埗地鐵站等，我去到見唔到人，我又無帶電話同手錶，就跑翻屋企攞，只後叫佢地去九龍塘；去到之後，先知歐陽姐姐無去，叫左鄭燕玲去，我地去到生產力大樓，見到有好鬼多人，要排隊，排呀排，排到入去，我們坐定左，都見到後面都重有好多人。
講座開始，由兩個ｍｉｓｓ講數學科，先講下份卷係點樣、課程內容，之後就講下點考，有ｄ我自己都成日唔小心的，例如唔好係時間不足的情況下，劃去任何已作答的內容，我一定要記住，唔！最後就講左ｄ溫習技巧，佢地講到overtime，無左個答問時間。佢地之後，就要我地再排隊，合桃佢地本來就話走，人家演講個時走，真係好無禮貌的，最後佢地係佢講完就就走左，得返我一個……。
咁下個就係生物，個亞ｓｉｒ成日叫我地自己諗....佢講左十個常考的課題同舊年ｄ新課程，佢話左我地要注意ｄ題目問咩，劃圖要小心，點同點之間要用曲線劃，我想我要問下ｍｉｓｓ曾，重有唔好寫ｄ圖見唔的事，佢比左個例子，幾好笑的：現在科技先進，ｄ考試卷可以彩印，當年有一題係比左張黑白圖的花，問點解ｅ朵係蟲媒花，有ｄ人寫色彩鮮豔……，重有人寫有香味，佢話當科技先進到打開張試卷時，有ｄ香氣個時，才寫喎．．．，重話有時有ｄ實驗問你有咩結論，唔係所有都有結論的，最後就係數據收集儀，其實都唔係太深的，只係數據收集儀有好多種，就算係同一個實驗，都可以用唔同的感應器，最後就到STS題目，佢話比我們知要留意下D報章、科學期刊等，D好大熟的問題同新聞都係出題大熟....最後就係答D批判題要係大多數人都唔反對就可以了。
最後到化學，個亞SIR話佢係私校校長，好似好勁咁，佢話有個同學係佢個到讀，化學攞Ｅ，重讀就唔讀化學，本來叫佢唔好，但無聽，佢攞左1718分左右，去拔x（佢係咁講）讀文，本來收佢，但問佢做咩唔讀理，叫佢直情唔好讀，佢又傻傻地話好……，就後找個個亞SIR，亞SIR就扮佢亞哥，同拔x個到講，最後就收左佢，亞SIR重送左個補習班比佢=.=，佢係AL攞C，佢同佢女友去補，一路補一路拖手，佢女友攞ａ．．．
讀化學一定要識D方程式的，唔係就一定唔及格……，，重要有好好的英文底，佢又有個學生化學好鬼勁，但ＥＮＧ唔好，ＳＯ 攞左個e……佢話化學攞Ｅ係好正常的。重講左好多笑話，佢重唔小心差小小講左粗口……佢重講左D化學常識，點分D酸性物同鹼性物，答題技巧，不過無時間，講唔曬就要走，最後佢都要做宣傳...
個講座都唔錯，但佢地走曬……我就係又一城行左陣，本來我約左ｃｃ，但珍寶佢就叫左佢出來，我找都找唔到佢，就返家。返到去就訓，訓到７點，歐陽打電話來，問我個講座點，我話比ｄ note佢，佢重叫我比相佢，我就send左d比佢。
|
