表妹畫畫

今朝起左身冇耐~~~

呀媽就打俾我,因為呀婆要覆診唔得閒,

所以叫我下午接表妹返學學畫畫~~~

then 3:30換衫出去,4:00 到左呀婆home~~~

之後同佢著衫,帶褸,拎畫袋~~~

最後仲要同佢紮辦~~~~

細路果然係細路,d頭髮好柔順,如果我d頭髮好似佢咁就好lo~~~~(羨慕中^3^)

then帶佢去學校,但未開門~~~所以比佢o向附近個遊樂場玩一陣~~~

但...............d時間有d問題....

呀媽叫我4:30 要到學校門口~~但...........但..........佢張通告話5:00先開始ka 喎??

咁我4:25到左.....要等到5:00

表妹就玩得開ar.....我就全程睇到佢實,好驚佢唔知去左邊~~~

你知la....我冇咁大個女賠返俾人ka ma~~~

又冇chair 坐~~~~好累ar><

接完佢返學就即返屋企~~~

返到去~~~沖左個涼即訓~~~~訓到食飯都仲係好累~~~

所以食完都係訓o向張床到睇電視......

今晚o既<學警>,好慘~~~

點解李sir要死喎~~~~佢都冇錯~~~

arm arm認返個仔,就要離開~~~~~~~睇到我眼濕濕......嗚嗚~~~~

刊登時間︰2005-05-25 09:43 AM    [ 訪客留言(0) ] [ 編輯日誌 ] [ 分享至FACEBOOK ]

見工

今朝9點幾收到Miss call,話下午3:30 去in~~~

於是2:45 就同拍雞搭MTR出去~~

一上到去,見到Queeie,Grace 就3:20到,then佢俾份form我填~~

填完之後成group 人去in~~~

第一個問題就係........介紹下自己先la....

total 5個人...我係第3個介紹,

之後佢講解d細節俾我地聽~~~

最後佢問我地"如果我o向你地5個之中,only請一個,你覺得我應該請邊個呢?"

Grace講先,佢話請Queeie,因為佢英文較好,而且nice~~等等~~

之後佢問"咁你又有咩條件令我請你唔請佢呢?"

Grace話體能~但到問Queeie 個陣,佢話請返Grace,因為佢比較高大LA,同埋身型個d都ok,做sales會適合~~~

而到我個陣,佢淨係問我"咁你又有咩條件令我請你唔請佢呢?",

我話我會主動同d客人溝通,了解客人需要d咩...(係咪好行呢~~~因為個陣我諗唔到野講~~><)

個個講晒之後,佢話"乜你地講到好似去in police or model咁ga,又體能,又要高大~~"XDDDDD

in完之後同拍雞出左mk行一陣就返home lu~~~~

返到home,諗左好耐,究竟我做唔做依份工好呢~~~

雖然..................佢冇一定話請我~~~~

但係.................佢唔俾我去旅行a><

我屋企人講好晒話6月中會去旅行.....但in 個陣佢已經話唔可以做做下同屋企人去旅行~~~

其實佢人工唔係高,佢in個陣都同我地講"你想賺錢呢~~依份工係唔得ga,主要俾你係學野ka姐"

但依個都唔係問題~~~~出黎做野就預左捱ka la...

我係貪佢可以一路做,一路train我jar ma...平時佢會教我地普通o既化妝ar, 口才等等~~~

而且做左8-12 week之後佢會有張野俾我,証明我o向e到做過野,有工作經驗.....

諗到我頭都大埋~~~~

不過點都好la,佢請我先算la><

刊登時間︰2005-05-24 10:40 AM    [ 訪客留言(3) ] [ 編輯日誌 ] [ 分享至FACEBOOK ]

浪漫滿屋

今晚睇埋個full house 大結局ending~~~

又係好失望~~~~

個ending 係好好笑~~~

但tvb 足足cut 左2-3段~~~~

可能係佢唔夠時間播掛~~~

講真,我睇到佢連對白都識背la....

佢cut 左d咩我點會唔知丫~~~

雖然佢配左廣東話~~

但我睇個陣不停諗英宰把聲~~諗韓文點講lo~~~~

因為配音真係唔多掂~~

刊登時間︰2005-05-24 10:16 AM    [ 訪客留言(0) ] [ 編輯日誌 ] [ 分享至FACEBOOK ]

~剪頭髮+探婆婆~

今日約左呀姨,2個表弟同呀媽食韓燒,佢約我12:30,但我就記錯時間,以為係12:15><

結果早到左><慘!!!!

人齊之後上左去餐廳到,原來佢係自助ga....

一去到2個表弟已經行動去拎野食~~~所以我行都唔洗行~~~

得佢拎完就有得燒la,正正!!!!

最後細表弟仲幫我拎埋飯後甜品------雪糕~~~~~好味唷~~~~

食完之寢同呀媽去左剪頭髮~~~

一入到去,我地用開個師傅就同媽講"嘩~~你個女d頭髮好長ar!!!"

我次次o既反應都係笑ka la....大佬,唔長就唔洗搵你la,嫌錢多咩~~~~

then我話幫我剪到shoulder 落3-4吋~~~

佢就話"你剪3吋得la,你剪得太短唔好睇ka!","依,你d(蔭)自己剪ka?"

我話"係a"(暗示我剪得差><)佢話:幫你修修佢ka^^

點知佢o既"修修",竟將我所有蔭o既3/5剪晒!!!!

唉!!!我特登留ka ma,你仲咩同我剪晒佢a><

佢剪完我瞪大眼睇,嚇左一跳lo~~~~><

希望佢快d留返長la><

之後再去奧海會合返呀姨,行百佳~~

then去呀婆到食晚飯~~

之後睇埋一叮,大長今個節目同小小百法百x先走~~~

但.................大長今個show就真係...................

(如果你地like大長今o既,請跳到百法百x 再睇)

講真,我對大長今一向都冇興趣的,

而佢大結局個陣仲要搶左我個full house時間,搞到我冇得睇呀rain~~~

就開始唔like佢la...

今次佢黎hk~~~我見到佢d衫就真係............唉~~~~

邊有人保藍色o既套裝襯個紅色頭"cool"ka?@@

仲有件綠色o既長裙~~(我好憎綠色><)

主持人做旁白仲話"長今又換左一條(漂亮)o既衫"~~我真係想嘔

之後睇百法百x,我開頭係好有心機去聽佢地辨護ka...

但聽極都唔明lo~~~

佢用d字太專業la...唉~~~

愈聽愈亂~~~

又唔知佢做幾耐喎~~~

始終頂唔順叫呀媽走人lo~~~~

返到home 沖埋涼就訓la~~~~~好累a~~~~~

刊登時間︰2005-05-22 11:32 AM    [ 訪客留言(4) ] [ 編輯日誌 ] [ 分享至FACEBOOK ]

最後一科------Amaths

終於捱到最後一科lu~~~~

不過今朝就勁慘~~~

落車落大雨~~~><

搞到我成條褲又係好似上次咁~~濕到上大脾~~~

考個陣隻腳好凍,勁辛苦lo~~~~~

但2.5 個鐘之後,佢又乾返la~~~~

但對襪仲係濕~~~2 bad

而今年唔知仲乜,份份卷都淺左~~~

真係好驚條curve會高好多好多~~~~><

可惜我唔夠時間做~~~

唉~~算la,都收左卷la~~~~

考完之後去左唱k,去機鋪陪老公打機~~~

不過............人落機鋪,我落機鋪~~~

點解我會落到咁悶ga?@@"

我完全唔好依樣野~~~連屋企n年前部PS我都冇玩好耐LU~~~

俾我o既感覺,機鋪得個"嘈"字~~~~我入左一陣就好快出去出面,夾下公仔就算la.....

真係演唱會都冇咁嘈~~~~

行多陣就返屋企la,今日終於考完,成個人輕鬆晒~~~

不過~~~~~

黎小姐都fighting la,仲有一個月jar~~~~~

得緊你ar我~~~~~^^

刊登時間︰2005-05-19 05:57 PM    [ 訪客留言(2) ] [ 編輯日誌 ] [ 分享至FACEBOOK ]